وسكەمەن. 21 ناۋرىز. قازتاگ – اۋا رايىنىڭ جىلىنۋى مەن جاۋىن-شاشىنعا بايلانىستى شىعىس قازاقستان وبلىسىنىڭ 8 اۋدانىندا 30-دان استام ەلدى مەكەندى تاسقىن سۋ باسىپ، 6331 مىڭ ادام ەۆاكۋاتسيالاندى. بۇل تۋرالى شىعىس قازاقستان وبلىسىنىڭ توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى. 

«ەڭ اۋىر جاعداي تارباعاتاي اۋدانىندا ورىن الىپ وتىر. مۇندا تولىعىمەن، نە جارتىلاي 22 اۋىل مەن كەنتتەردى تاسقىن سۋ باستى: تانامىرزا، قۇيكول، ويشىلىق، جانتىكەي، ەسىم، قىزىل، جۇلدىز، جاڭا-اۋل، احمەتبۇلاق، سارىولەڭ، كوكجىرا، قامىستى، جەتىارال، ۇشتوبە، اقسۋات، مانراق، بوزشا، ەكپىن، قارگىبا، قوجاگەلدى، قاروي، سەرىكتەس اۋىلدارى. بۇل اۋداننىڭ جارتىسى. 4,5 مىڭ ادام ەۆاكۋاتسيالاندى. بىرەۋلەرى تۋىستارىنا كەتىپ جاتسا، باسقالارىن مەكتەپتەر مەن ينتەرناتتاردا ورنالاستىرىلدى. قۇتقارۋ جۇمىسىنداعى ەڭ قيىنى - جولداردىڭ جوقتىعى. قىزىلكەسىك-اياگوز اۆتوجولىندا كوپىر زاقىمدانىپ، اقجار اۋلىنان اقسۋات اۋدان ورتالىعىنا دەيىنگى جول شايىلىپ كەتكەن. كۇرتىك قارعا بايلانىستى بارلىق باعىتتاعى جولدار جابىق»، - دەيدى دەپارتامەنتتەگىلەر.

ۇلان اۋدانىندا ۇلانكا وزەنىندە كاسكادپەن سالىنعان كولدەگى سۋ تاسۋىنان ءۇش سەلونى - زاۆيدنوە، گەراسيموۆكا، كازاچە-ءنى سۋ باستى. 1013 ادام ەۆاكۋاتسيالاندى.

وسكەمەن. 21 ناۋرىز. قازتاگ – اۋا رايىنىڭ جىلىنۋى مەن جاۋىن-شاشىنعا بايلانىستى شىعىس قازاقستان وبلىسىنىڭ 8 اۋدانىندا 30-دان استام ەلدى مەكەندى تاسقىن سۋ باسىپ، 6331 مىڭ ادام ەۆاكۋاتسيالاندى. بۇل تۋرالى شىعىس قازاقستان وبلىسىنىڭ توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى. 

«ەڭ اۋىر جاعداي تارباعاتاي اۋدانىندا ورىن الىپ وتىر. مۇندا تولىعىمەن، نە جارتىلاي 22 اۋىل مەن كەنتتەردى تاسقىن سۋ باستى: تانامىرزا، قۇيكول، ويشىلىق، جانتىكەي، ەسىم، قىزىل، جۇلدىز، جاڭا-اۋل، احمەتبۇلاق، سارىولەڭ، كوكجىرا، قامىستى، جەتىارال، ۇشتوبە، اقسۋات، مانراق، بوزشا، ەكپىن، قارگىبا، قوجاگەلدى، قاروي، سەرىكتەس اۋىلدارى. بۇل اۋداننىڭ جارتىسى. 4,5 مىڭ ادام ەۆاكۋاتسيالاندى. بىرەۋلەرى تۋىستارىنا كەتىپ جاتسا، باسقالارىن مەكتەپتەر مەن ينتەرناتتاردا ورنالاستىرىلدى. قۇتقارۋ جۇمىسىنداعى ەڭ قيىنى - جولداردىڭ جوقتىعى. قىزىلكەسىك-اياگوز اۆتوجولىندا كوپىر زاقىمدانىپ، اقجار اۋلىنان اقسۋات اۋدان ورتالىعىنا دەيىنگى جول شايىلىپ كەتكەن. كۇرتىك قارعا بايلانىستى بارلىق باعىتتاعى جولدار جابىق»، - دەيدى دەپارتامەنتتەگىلەر.

ۇلان اۋدانىندا ۇلانكا وزەنىندە كاسكادپەن سالىنعان كولدەگى سۋ تاسۋىنان ءۇش سەلونى - زاۆيدنوە، گەراسيموۆكا، كازاچە-ءنى سۋ باستى. 1013 ادام ەۆاكۋاتسيالاندى.

كۇرشىم اۋدانىندا تاۋداعى قار ەرۋىنەن قاراتوعاي سەلوسىن سۋ باسىپ، 384 ادام ەۆاكۋاتسيالاندى. كۇرشىم، قالجىر، كالگۋتينكا، قاراتال جانە تەرەكتى وزەندەرىندەگى سۋ دەڭگەيىنىڭ كوتەرىلۋى سەبەپتى 11 ەلدى مەكەن سۋ باسۋ قاۋپىندە تۇر.

زايسان اۋدانىنداعى تاسباستاۋ اۋىلىن سۋ باستى، 170 ادام ەۆاكۋاتسيالاندى.

اباي اۋدانىندا، اۋدان اكىمدىگىنىڭ مالىمەتتەرىنشە، قاراۋىل سەلوسىنا تاسقىن سۋدىڭ ءبىرىنشى تولقىنىمەن 17-ناۋرىزدا كوشكەن حالىق بىرتىندەپ قايتا ورالا باستادى. قازىر بارلىعى 9 اۋىل وكرۋگتارىنىڭ 6-سى  تاسقىن سۋدان زارداپ شەكتى. قاۋىپسىز جەرلەرگە 48 وتباسى ەۆاكۋاتسيالاندى. ونداعى جاعدايدى قىستاۋلار مەن شالعايداعى اۋىل وكرۋگتارىنا اپاراتىن جولداردىڭ جوقتىعى قيىنداتىپ تۇر.

زىريان اۋدانىنداعى بۇقتارما جانە تۇرعىسىن وزەندەرىندەگى سۋ دەڭگەيى قاۋىپتى دەڭگەيگە كوتەرىلدى. 6 سەلونى (بىكوۆو، بوگاتىرەۆو، پۋتينتسەۆو، پارىگينو، زۋبوۆسك، تۇرگىسىن) جانە سەرەبريانسك قالاسىن سۋ باسۋ قاۋپى بار. كەيبىر ەلدى مەكەندەردە سۋ جەكە ۇيلەرگە تاقاپ كەلەدى. اۋدان اكىمدىگىنىڭ مالىمەتتەرىنشە، جاعالاۋلىقتاردى بەكىتۋ مەن مۇزداردى بۇزىپ، سەڭ اعىزۋ جۇمىستارى جۇرگىزىلىپ جاتىر.

ادامداردى قۇتقارۋ جۇمىستارىنا جەرگىلىكتى اتقارۋ ورگاندارىنىڭ بارلىق قۇتقارۋ، تج قىزمەتى، پولتسيا، جول كاسىپورىندارىنىڭ كۇشتەرى تارتىلدى. بىزگە تجم-ءنىڭ قوستاناي، پاۆلودار، ەكىباستۇز بولىمشەلەرى كومەكتەسىپ جاتىر. بارلىعى 2 مىڭ ادام مەن 300 تەحنيكا جۇمىلدىرىلعان. اۋا رايىنىڭ تۇراقسىزدىعىنان جاعداي ساعات سايىن وزگەرەدى. كەشە وبلىستا قايتادان بۇرقاسىنداتىپ، داۋىل تۇرىپ، ءىس جۇزىندە بارلىق جولدار جابىلدى. كۇرشىم اۋدانىنا وبلىس ورتالىعىنان تىكۇشاقپەن گۋمانيتارلىق جۇك – ازىق-تۇلىك پەن پالاتكالار جەتكىزىلدى. وبلىس اكىمدىگىنىڭ شەشىمىمەن تاسقىن سۋ قاۋپىنە بايلانىستى وبلىس ورتالىعى مەن بىرقاتار اۋدانداردا ناۋرىزعا ارنالعان مەرەكەلىك شارالار الىنىپ تاستالدى»، - دەپ حابارلادى تج وبلىستىق دەپارتامەنتىنەن.