استانا. ناۋرىز. قازتاگ – قازاقستان پرەزيدەنتى نۇرسۇلتان نازارباەۆ «بەلگىلەنگەن اسكەري قىزمەت مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەردى زاپاسقا شىعارۋ جانە قازاقستان رەسپۋبليكاسىنىڭ ازاماتتارىن 2010 جىلدىڭ ءساۋىر-ماۋسىمىندا جانە قازان-جەلتوقسانىندا كەزەكتى مەرزىمدى اسكەري قىزمەتكە شاقىرۋ تۋرالى» جارلىعىنا قول قويدى. قۇجاتقا ەل باسى 29-شى ناۋرىزدا قول قويىپ، سارسەنبى كۇنى رەسمي باسىلىمداردا جاريالاندى.

«اسكەري مىندەتتىلىك جانە اسكەري قىزمەت تۋرالى” قازاقستان رەسپۋبليكاسىنىڭ 2005 جىلعى 8 شىلدەدەگى زاڭىنا سايكەس قاۋلى ەتەمىن: بەلگىلەنگەن اسكەري قىزمەت مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەر 2010 جىلدىڭ ءساۋىر-ماۋسىمىندا جانە قازان-جەلتوقسانىندا قازاقستان رەسپۋبليكاسىنىڭ قارۋلى كۇشتەرى، قازاقستان رەسپۋبليكاسى ىشكى ىستەر مينيسترلىگىنىڭ ىشكى اسكەرلەرى، قازاقستان رەسپۋبليكاسى ۇلتتىق قاۋىپسىزدىك كوميتەتى، قازاقستان رەسپۋبليكاسى رەسپۋبليكالىق ۇلانى، قازاقستان رەسپۋبليكاسى توتەنشە جاعدايلار مينيسترلىگى قاتارىنان زاپاسقا شىعارىلسىن»، - دەلىنگەن قۇجاتتا.

استانا. ناۋرىز. قازتاگ – قازاقستان پرەزيدەنتى نۇرسۇلتان نازارباەۆ «بەلگىلەنگەن اسكەري قىزمەت مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەردى زاپاسقا شىعارۋ جانە قازاقستان رەسپۋبليكاسىنىڭ ازاماتتارىن 2010 جىلدىڭ ءساۋىر-ماۋسىمىندا جانە قازان-جەلتوقسانىندا كەزەكتى مەرزىمدى اسكەري قىزمەتكە شاقىرۋ تۋرالى» جارلىعىنا قول قويدى. قۇجاتقا ەل باسى 29-شى ناۋرىزدا قول قويىپ، سارسەنبى كۇنى رەسمي باسىلىمداردا جاريالاندى.

«اسكەري مىندەتتىلىك جانە اسكەري قىزمەت تۋرالى” قازاقستان رەسپۋبليكاسىنىڭ 2005 جىلعى 8 شىلدەدەگى زاڭىنا سايكەس قاۋلى ەتەمىن: بەلگىلەنگەن اسكەري قىزمەت مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەر 2010 جىلدىڭ ءساۋىر-ماۋسىمىندا جانە قازان-جەلتوقسانىندا قازاقستان رەسپۋبليكاسىنىڭ قارۋلى كۇشتەرى، قازاقستان رەسپۋبليكاسى ىشكى ىستەر مينيسترلىگىنىڭ ىشكى اسكەرلەرى، قازاقستان رەسپۋبليكاسى ۇلتتىق قاۋىپسىزدىك كوميتەتى، قازاقستان رەسپۋبليكاسى رەسپۋبليكالىق ۇلانى، قازاقستان رەسپۋبليكاسى توتەنشە جاعدايلار مينيسترلىگى قاتارىنان زاپاسقا شىعارىلسىن»، - دەلىنگەن قۇجاتتا.

سونداي-اق پرەزيدەنت جارلىعىمەن: «شاقىرۋدى كەيىنگە قالدىرۋعا نەمەسە شاقىرۋدان بوساتىلۋعا قۇقىعى جوق ون سەگىزدەن جيىرما جەتى جاسقا دەيىنگى ەر ازاماتتار، سونداي-اق وقۋ ورىندارىنان شىعارىلعان، جيىرما جەتى جاسقا تولماعان جانە شاقىرۋ بويىنشا اسكەري قىزمەتتىڭ بەلگىلەنگەن مەرزىمىن وتكەرمەگەن ازاماتتار 2010 جىلدىڭ ءساۋىر-ماۋسىمىندا جانە قازان-جەلتوقسانىندا قازاقستان رەسپۋبليكاسىنىڭ قارۋلى كۇشتەرىنە، قازاقستان رەسپۋبليكاسى ىشكى ىستەر مينيسترلىگىنىڭ ىشكى اسكەرلەرىنە، قازاقستان رەسپۋبليكاسى ۇلتتىق قاۋىپسىزدىك كوميتەتىنە، قازاقستان رەسپۋبليكاسى رەسپۋبليكالىق ۇلانىنا، قازاقستان رەسپۋبليكاسى توتەنشە جاعدايلار مينيسترلىگىنە مەرزىمدى اسكەري قىزمەتكە شاقىرىلسىن»، - دەپ قاۋلى ەتتى.

ەلباسى جەرگىلىكتى اتقارۋشى ورگاندار ءتيىستى جەرگىلىكتى اسكەري باسقارۋ ورگاندارى ارقىلى 2010 جىلدىڭ ءساۋىر-ماۋسىمىندا جانە قازان-جەلتوقسانىندا ازاماتتاردى مەرزىمدى اسكەري قىزمەتكە شاقىرۋدى جۇرگىزۋدى ۇيىمداستىرسىن جانە قامتاماسىز ەتسىن، دەپ تاپسىرما بەردى.

قازاقستان رەسپۋبليكاسىنىڭ ۇكىمەتى، قازاقستان رەسپۋبليكاسى ۇلتتىق قاۋىپسىزدىك كوميتەتى، قازاقستان رەسپۋبليكاسى رەسپۋبليكالىق ۇلانى مەرزىمدى اسكەري قىزمەتتى وتكەرۋ ءۇشىن قازاقستان رەسپۋبليكاسى قارۋلى كۇشتەرىنە، قازاقستان رەسپۋبليكاسى ىشكى ىستەر مينيسترلىگىنىڭ ىشكى اسكەرلەرىنە، قازاقستان رەسپۋبليكاسى ۇلتتىق قاۋىپسىزدىك كوميتەتىنە، قازاقستان رەسپۋبليكاسى رەسپۋبليكالىق ۇلانىنا، قازاقستان رەسپۋبليكاسى توتەنشە جاعدايلار مينيسترلىگىنە اسكەرگە شاقىرىلعان قازاقستان رەسپۋبليكاسىنىڭ ازاماتتارىن جونەلتۋدى جانە بەلگىلەنگەن مەرزىمدى اسكەري قىزمەت مەرزىمىن وتكەرگەن اسكەري قىزمەتشىلەردى بوساتۋدى قارجىلاي جانە ماتەريالدىق قامتاماسىز ەتۋدى ۇيىمداستىرۋ تاپسىرىلدى.

جارلىق العاش رەسمي جاريالانعان كۇنىنەن باستاپ قولدانىسقا ەنگىزىلەدى.

سونمەن بىرگە رەسمي باسىلىمداردا قر پرەمەر-ءمينيسترى كارىم ءماسىموۆ 26-شى ناۋرىزدا قول قويعان «زاپاستاعى وفيتسەرلەردى اسكەري قىزمەتكە شاقىرۋ تۋرالى» ۇكىمەت قاۋلىسى جاريالاندى.  «اسكەري مىندەتتىلىك پەن اسكەري قىزمەت تۋرالى» قر زاڭىنىڭ 24-ءىنشى بابىنا سايكەس رەسپۋبليكا ۇكىمەتى «اسكەرگە جارامدى جانە اسكەري بورىشىن وتەمەگەن» زاپاستاعى وفيتسەرلەردى 2010 جىلى ەكى جىلدىق اسكەري قىزمەتكە شاقىرۋ تۋرالى» قاۋلى شىعاردى»، - دەلىنگەن قۇجاتتا. 

قاۋلىعا قوسىمشاعا سايكەس، 2010 جىلى اسكەري قىزمەتكە 406 زاپاستاعى وفيتسەر اسكەري-تىركەۋ ماماندىقتارىنا قاراي شاقىرىلادى. ونىڭ ىشىندە 10 ادام موتواتقىشتار، تانك، زەنيتتىك-ارتيللەريا، ينجەنەرلىك اسكەرلەر مەن، قر اسكەري پروكۋراتۋراسىنا زاڭگەرلەر شاقىرىلادى. 90 ارتيللەريست، اۋە شابۋىلىنان قورعانىستىڭ راديوتەحنيكالىق اسكەرىنە 32 وفيتسەر، 12 - مەتەورولوگ، 7 - اۆتوموبيل اسكەرىنە، 68 - بايلانىس، 28 - مەديتسينالىق قىزمەتكە، 2 – حيميالىق اسكەرگە، 17 وفيتسەر – تاربيە جانە قۇقىقتىق جۇمىسقا، 5 - ءتىل مامانى، 2 وفيتسەر زىمىران-ارتيللەريالىق كۇشتەرگە، 70 ادام قر ۇقك شەكارا قىزمەتىنە جانە 26 ادام قر تجم قىزمەتىنە شاقىرىلادى.

ۇكىمەت قاۋلىسى العاشقى جاريالانعان كۇنەن ون كۇن وتكەن سوڭ كۇشىنە ەنەدى.