استانا. 5 ءساۋىر. قازتاگ – قر مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ اقش ورتالىق  باسقارماسىنىڭ قولباسشىسى   گەنەرال  دەۆيد  پەترەۋسپەن  كەزدەستى،  دەپ  حابارلادى قر ءسىم ءباسپاسوز قىزمەتى.

«تاراپتار قازاقستان مەن اقش اراسىنداعى ستراتەگيالىق ارىپتەستىگىن كەڭەيتىپ جانە نىعايتۋعا قاتىستى ماسەلەلەردى تالقىلادى. بۇل ارىپتەستىكتەگى اسكەري ىنتىماقتاستىق جانە اۋعانىستاندى وڭالتۋ ماسەلەسى ماڭىزدى باعىت بولىپ تابىلادى. اۋعانىستاندا تۇراقتىلىققا جەتۋ ءۇشىن ەكى مەملەكەتتىڭ ىنتىماقتاستىعىن ودان ءارى دامىتۋدىڭ ماڭىزدىلىعى اتاپ ءوتىلدى. سەبەبى بۇل ماسەلەدە ايماقتىق دەرجاۆالار مەن قوسا عالامدىق دەرجاۆالار دا مۇددەلى»، - دەلىنگەن دۇيسەنبى كۇنى تاراتىلعان اقپاراتتىق پاراقشادا.

«اۋعانىستاندا تۇراقتىلىق ورناتپايىنشا بۇكىل ورتالىق ازياداعى تۇراقتىلىق جايلى ايتۋ مۇمكىن ەمەس»، - دەدى وسىعان بايلانىستى ق.ساۋداباەۆ.

استانا. 5 ءساۋىر. قازتاگ – قر مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ اقش ورتالىق  باسقارماسىنىڭ قولباسشىسى   گەنەرال  دەۆيد  پەترەۋسپەن  كەزدەستى،  دەپ  حابارلادى قر ءسىم ءباسپاسوز قىزمەتى.

«تاراپتار قازاقستان مەن اقش اراسىنداعى ستراتەگيالىق ارىپتەستىگىن كەڭەيتىپ جانە نىعايتۋعا قاتىستى ماسەلەلەردى تالقىلادى. بۇل ارىپتەستىكتەگى اسكەري ىنتىماقتاستىق جانە اۋعانىستاندى وڭالتۋ ماسەلەسى ماڭىزدى باعىت بولىپ تابىلادى. اۋعانىستاندا تۇراقتىلىققا جەتۋ ءۇشىن ەكى مەملەكەتتىڭ ىنتىماقتاستىعىن ودان ءارى دامىتۋدىڭ ماڭىزدىلىعى اتاپ ءوتىلدى. سەبەبى بۇل ماسەلەدە ايماقتىق دەرجاۆالار مەن قوسا عالامدىق دەرجاۆالار دا مۇددەلى»، - دەلىنگەن دۇيسەنبى كۇنى تاراتىلعان اقپاراتتىق پاراقشادا.

«اۋعانىستاندا تۇراقتىلىق ورناتپايىنشا بۇكىل ورتالىق ازياداعى تۇراقتىلىق جايلى ايتۋ مۇمكىن ەمەس»، - دەدى وسىعان بايلانىستى ق.ساۋداباەۆ.

ءوز كەزەگىندە د.پەترەۋس اسكەري سالاداعى جانە جاپپاي قىرىپ-جويۋ قارۋىن تاراتپاۋ ماسەلەسىندە ەكىجاقتى ىنتىماقتاستىقتىڭ تابىستىلىعىن اتاپ ءوتتى. امەريكاندىق اسكەري باسشى 2008-2012 ج.ج. ارنالعان اسكەري ىنتىماقتاستىقتىڭ ەكىنشى بەسجىلدىق باعدارلاماسى اياسىنداعى قازاقستان مەن اقش اراسىنداعى اسكەري ىنتىماقتاستىققا جوعارى باعا بەردى. 2003-2008 ج.ج. ارالىعىنداعى قازاقستاندىق ساپەرلاردىڭ بەسجىلدىق ءتيىمدى قىزمەتىنە شىنايى العىسىن بىلدىرە وتىرىپ، د.پەترەۋس قازاقستانعا اۋعانىستاندى وڭالتۋعا قوسقان «كەرەمەت ۇلەسى» ءۇشىن، سونىڭ ىشىندە 1000 اۋعاندىققا قر-دا «بەيبىت» ماماندىقتار بويىنشا ءبىلىم الۋ ءۇشىن 50 ملن اقش دوللارىن بولگەنى ءۇشىن ريزاشىلىعىن جەتكىزدى.

قازاقستان حالىقارالىق كۇشتەردىڭ اۋعانىستانداعى قاۋىپسىزدىككە جۇمساعان جىگەرىن، «قاجىماس بوستاندىق» وپەراتسياسىنىڭ ەڭ العاشقى كۇنىنەن، 2001 جىلدان قولداپ كەلگەندىگى بەلگىلى.

اۋعانىستاندى تۇراقتاندىرۋ قر ەقىۇ توراعالىعىنداعى نەگىزگى ماسەلەلەردىڭ ءبىرى رەتىندە پرەزيدەنت نۇرسۇلتان نازارباەۆپەن ايقىندالعان. ءۇ.ج. جوسپارلانىپ وتىرعان استانادا وتەتىن ۇيىم ءسامميتىنىڭ كۇن تارتىبىندەگى نەگىزگى تاقىرىپتاردىڭ ءبىرى وسى اۋعان ماسەلەسىنە ارنالۋى ابدەن مۇمكىن.