الماتى. 14 ءساۋىر. قازتاگ - قىرعىزستاننىڭ ەكس-پرەزيدەنتى قۇرمانبەك باكيەۆ بيلىكتەن كەتەتىنى تۋرالى شەشىمدى رەسەي پرەمەر-ءمينيسترى ۆلاديمير ءپۋتيننىڭ كەڭەس بەرۋىمەن جاريالاعانىن مالىمدەدى.

«مەن ءوزىمنىڭ بيلىكتەن كەتەتىنىمدى ءپۋتيننىڭ كەڭەسىمەن جاريالادىم»، - دەپ ءمالىم ەتتى قۇرمانبەك باكيەۆ جۇما كۇنى مينسكىدە ءوتىپ جاتقان ءباسپاسوز ءماسليحاتىندا، دەپ جازادى قىرعىزستاننىڭ اكيpress اقپارات اگەنتتىگى.

ق. باكيەۆتىڭ ايتۋىنشا، رەسەي مەن قازاقستان باسشىلارى «ەلدە ءتارتىپ ورناتۋعا جانە قاۋىپسىزدىكتى قامتاماسىز ەتۋگە كومەكتەسەمىز دەپ ۋادە بەرگەن». «بىراق ول ورىندالعان جوق. سوندىقتان مەن ءوزىمنىڭ قىزمەتتەن كەتكەنىمدى مويىندامايمىن»، - دەدى ق.باكيەۆ.

ال بەلورۋسسيانىڭ «بەلتا» اقپارات اگەنتتىگى ق.باكيەۆ پرەزيدەنت قىزمەتىنەن كەتۋ تۋرالى ارىزىن ۆلاديمير پۋتين مەن قازاقستان پرەزيدەنتى نۇرسۇلتان نازارباەۆتىڭ كەڭەس بەرۋىمەن جازعانى تۋرالى مالىمدەگەنىن حابارلادى.

«مەن قىرعىزستاننىڭ وڭتۇستىگىندە بولعاندا قازاقستان پرەزيدەنتى نۇرسۇلتان نازارباەۆپەن جانە رەسەي پرەمەرى پۋتينمەن اڭگىمەلەستىم. تەلەفون ارقىلى اڭگىمە بارىسىندا ءبىز ءبىر پىكىرگە كەلدىك. اسىرەسە ۆلاديمير ۆلاديميروۆيچ پۋتين: بىشكەكتە بولعان وقيعالار ءۇشىن ءسىزدى ەشكىم دە كىنالامايدى، بىراق ەگەر ازاماتتىق سوعىس بولسا، بۇكىل جاۋاپكەرشىلىك سىزگە ارتىلادى» دەپ اتاپ كورسەتتى»، - دەدى ق. باكيەۆ.

ول ەلدەگى قانتوگىستى توقتاتۋ ءۇشىن عانا كەلىسكەنىن باسا اتاپ كورسەتتى.

الماتى. 14 ءساۋىر. قازتاگ - قىرعىزستاننىڭ ەكس-پرەزيدەنتى قۇرمانبەك باكيەۆ بيلىكتەن كەتەتىنى تۋرالى شەشىمدى رەسەي پرەمەر-ءمينيسترى ۆلاديمير ءپۋتيننىڭ كەڭەس بەرۋىمەن جاريالاعانىن مالىمدەدى.

«مەن ءوزىمنىڭ بيلىكتەن كەتەتىنىمدى ءپۋتيننىڭ كەڭەسىمەن جاريالادىم»، - دەپ ءمالىم ەتتى قۇرمانبەك باكيەۆ جۇما كۇنى مينسكىدە ءوتىپ جاتقان ءباسپاسوز ءماسليحاتىندا، دەپ جازادى قىرعىزستاننىڭ اكيpress اقپارات اگەنتتىگى.

ق. باكيەۆتىڭ ايتۋىنشا، رەسەي مەن قازاقستان باسشىلارى «ەلدە ءتارتىپ ورناتۋعا جانە قاۋىپسىزدىكتى قامتاماسىز ەتۋگە كومەكتەسەمىز دەپ ۋادە بەرگەن». «بىراق ول ورىندالعان جوق. سوندىقتان مەن ءوزىمنىڭ قىزمەتتەن كەتكەنىمدى مويىندامايمىن»، - دەدى ق.باكيەۆ.

ال بەلورۋسسيانىڭ «بەلتا» اقپارات اگەنتتىگى ق.باكيەۆ پرەزيدەنت قىزمەتىنەن كەتۋ تۋرالى ارىزىن ۆلاديمير پۋتين مەن قازاقستان پرەزيدەنتى نۇرسۇلتان نازارباەۆتىڭ كەڭەس بەرۋىمەن جازعانى تۋرالى مالىمدەگەنىن حابارلادى.

«مەن قىرعىزستاننىڭ وڭتۇستىگىندە بولعاندا قازاقستان پرەزيدەنتى نۇرسۇلتان نازارباەۆپەن جانە رەسەي پرەمەرى پۋتينمەن اڭگىمەلەستىم. تەلەفون ارقىلى اڭگىمە بارىسىندا ءبىز ءبىر پىكىرگە كەلدىك. اسىرەسە ۆلاديمير ۆلاديميروۆيچ پۋتين: بىشكەكتە بولعان وقيعالار ءۇشىن ءسىزدى ەشكىم دە كىنالامايدى، بىراق ەگەر ازاماتتىق سوعىس بولسا، بۇكىل جاۋاپكەرشىلىك سىزگە ارتىلادى» دەپ اتاپ كورسەتتى»، - دەدى ق. باكيەۆ.

ول ەلدەگى قانتوگىستى توقتاتۋ ءۇشىن عانا كەلىسكەنىن باسا اتاپ كورسەتتى.

«مەن سول كەزدە مەنىڭ  سەرىكتەستەرىم مەن تۋعاندارىمدى قۋعىنداۋدى توقتاتۋ تۋرالى شارتتار ورىندالسا عانا قىزمەتتەن كەتۋگە دايىن ەكەنىمدى ايتتىم. بىراق بۇگىنگى كۇنگە دەيىن ءبارى كەرىسىنشە: مەنىڭ سەرىكتەستەرىم قۋعىن كورىپ جاتىر. ۋادەنىڭ ورىندالعانى قايدا؟» - دەدى ق. باكيەۆ.

سونىمەن بىرگە، ول قىرعىزستانعا ورالماق ويى جوق ەكەنىن جەتكىزدى. «مەن وكىلەتتىكتەرىمدى توقتاتاتىنىم تۋرالى ارىز جازدىم جانە پرەزيدەنت رەتىندە ورالماق ويىم جوق. بىراق زاڭ نورمالارى بويىنشا مەن زاڭدى پرەزيدەنت بولىپ قالامىن»، - دەدى ول. ونىڭ پىكىرىنشە، بۇل ماسەلەنى پارلامەنت قاراۋعا ءتيىس.

سونداي-اق، ول بەلورۋسسيادا «قۋعىندا ءجۇرىپ ۇكىمەت» قۇرمايتىنىن، مينسكىدە قانشا ۋاقىت بولاتىنىن بىلمەيتىنىن ايتتى.

ق.باكيەۆ قانداي دا ءبىر ەلدەن ساياسي باسپانا سۇرايتىن-سۇرامايتىنىن ايتقان جوق.