اۋىل شارۋاشىلىعىندا وڭدەۋ سەكتورىنىڭ ۇلەسىن ارتتىرۋ – ۋاقىت تالابى. كلاستەرلىك جۇيەنى دامىتۋ، ازىق-تۇلىك قاۋىپسىزدىگىن قامتاماسىز ەتۋ، شيكىزاتتىق باعىتتان ارىلىپ، وڭدەۋشى باعىتقا كوشۋدەگى قادامدار ءوز ناتيجەسىن بايقاتۋدا.

الماتى وبلىستىق اۋىل شارۋاشىلىعى باسقارماسىنىڭ مالىمەتىنە سۇيەنسەك، اگرارلىق سالا كاسىپورىندارى 2016 جىلدىڭ قاڭتار-مامىر ايلارىندا ونەركاسىپ ءوندىرىسى ءونىمىنىڭ 61%-ءىن جانە وڭدەۋ ونەركاسىبىنىڭ 72%-ءىن ءوندىردى.

تاماق ونەركاسىبى ءونىمىنىڭ كولەمى بيىلعى جىلدىڭ 5 ايىندا 133,3 ملرد. تەڭگەنى قۇرادى، بۇل 2015 جىلدىڭ سايكەس مەرزىمىمەن سالىستىرعاندا 8,2%-كە ارتىق.

ەلباسىنىڭ «100 ناقتى قادام» ۇلت جوسپارىنداعى تاپسىرمالارعا سايكەس ەت جانە ءسۇت ونىمدەرىنىڭ ءوندىرىسى جانداندىرىلۋدا. ازىق-تۇلىك ءوندىرىسىنىڭ قۇرىلىمىندا نەگىزگى ۇلەس ءسۇت - 27%، ەت - 22%، ءداندى-داقىلدار - 20%، جەمىس پەن كوكونىس - 13,5% جانە 5 % مايلى داقىلداردى - وڭدەۋ سالالارىنا تيەسىلى.

ءسۇت وڭدەۋ ونەركاسىبىندە جۇكتەمەلىك 64%-ءتى قۇراپ، 13,3 ملرد. تەڭگەگە 53,6 مىڭ توننا ءسۇت ونىمدەرى ءوندىرىلدى. ەت وڭدەۋ ونەركاسىبىندە 9,0 ملرد. تەڭگەگە 26,8 مىڭ توننا دايىن ءونىم ءوندىرىلدى، قۇس فابريكالارىنىڭ قۋاتتىلىعى 61,9%-كە، ەت كومبيناتتارىنىڭ قۋاتتىلىعى 72,2%-كە يگەرىلدى.

جەمىس، كوكونىس وڭدەۋ كاسىپورىندارى 3,4 ملرد. تەڭگەنىڭ ءونىم ءوندىردى، قۋاتتىلىعى 26,8%-كە يگەرىلدى.

Abai.kz