ادام ساۋداسىمەن اينالىسقانى ءۇشىن شىعىس قازاقستاندا قىلمىستىق توپ مۇشەلەرى ۇزاق مەرزىمدەرگە سوتتالدى
وسكەمەن. 30 ءساۋىر. قازتاگ – وبلىستىق سوتتىڭ اپپەلياتسيالىق كوللەگياسى قىزداردى جىنىستىق قىزمەت ءۇشىن ساۋدالاۋمەن اينالىسقان قىلمىستىق توپ مۇشەلەرىنە ريددەر قالالىق سوتى شىعارعان، 2-دەن 10 جىعا دەيىن باس بوستاندىعىنان ايىرۋ جونىندەگى شەشىمدى كۇشىندە قالدىردى، دەپ حابارلادى وبلىستىق پروكۋراتۋرادان.
«توپقا جەتى ادام كىرگەن. ونى ۇيىمداستىرۋشىلار بۇرىن سوتتالعان ۆ.ساچۋك پەن س. پولتورانين مۇلىكتەرى تاركىلەنىپ، 10 جىلعا سوتتالدى. ولاردىڭ سىبايلاستارى و.زولوتىح – جالپى تارتىپتەگى كولونيادا بەس جىلعا، تاعى ۇشەۋى – كابلاشوۆ، پەرەدەرەۆا، يزوتوۆا – ەكى جىلدان سوتتالىپ، ك. پۋستوكاشيناعا ىزدەۋ جاريالانىپ، وعان قاتىستى ءىس جەكە ەپيزودپەن بولەكتەندى»، - دەپ ايتىپ بەردى پروكۋراتۋرادان.
توپ ءبىر جىلداي جۇمىس ىستەگەن. ءبولىنىپ الىنعان رولدەرگە ساي، بىرەۋلەرى زىريانوۆسكىدە قىزداردى ىزدەپ تاۋىپ، ولاردى جوعارى جالاقى مەن ريددەردە تەگىن تۇراسىڭدار دەگەن جالعان ۋادەلەرمەن جەزوكشەلىكپەن اينالىسۋعا كوندىرىپ، باسقالارى ولاردى كليەنتتەرگە اپارىپ بەرىپ وتىرعان.
وسكەمەن. 30 ءساۋىر. قازتاگ – وبلىستىق سوتتىڭ اپپەلياتسيالىق كوللەگياسى قىزداردى جىنىستىق قىزمەت ءۇشىن ساۋدالاۋمەن اينالىسقان قىلمىستىق توپ مۇشەلەرىنە ريددەر قالالىق سوتى شىعارعان، 2-دەن 10 جىعا دەيىن باس بوستاندىعىنان ايىرۋ جونىندەگى شەشىمدى كۇشىندە قالدىردى، دەپ حابارلادى وبلىستىق پروكۋراتۋرادان.
«توپقا جەتى ادام كىرگەن. ونى ۇيىمداستىرۋشىلار بۇرىن سوتتالعان ۆ.ساچۋك پەن س. پولتورانين مۇلىكتەرى تاركىلەنىپ، 10 جىلعا سوتتالدى. ولاردىڭ سىبايلاستارى و.زولوتىح – جالپى تارتىپتەگى كولونيادا بەس جىلعا، تاعى ۇشەۋى – كابلاشوۆ، پەرەدەرەۆا، يزوتوۆا – ەكى جىلدان سوتتالىپ، ك. پۋستوكاشيناعا ىزدەۋ جاريالانىپ، وعان قاتىستى ءىس جەكە ەپيزودپەن بولەكتەندى»، - دەپ ايتىپ بەردى پروكۋراتۋرادان.
توپ ءبىر جىلداي جۇمىس ىستەگەن. ءبولىنىپ الىنعان رولدەرگە ساي، بىرەۋلەرى زىريانوۆسكىدە قىزداردى ىزدەپ تاۋىپ، ولاردى جوعارى جالاقى مەن ريددەردە تەگىن تۇراسىڭدار دەگەن جالعان ۋادەلەرمەن جەزوكشەلىكپەن اينالىسۋعا كوندىرىپ، باسقالارى ولاردى كليەنتتەرگە اپارىپ بەرىپ وتىرعان.
«قىلمىستىق ارەكەتكە قوناق ءۇيىنىڭ باستىعى پەرەدەرەۆا مەن كاسسير يزوتوۆا تارتىلىپ، ولار كورسەتىلگەن جىنىستىق قىزمەتكە ەسەپ جۇرگىزىپ، قىزداردان اقشالارىن جيناپ وتىرعان. ءتارتىپتى بۇزعانى ءۇشىن، شاقىرتۋ بويىنشا بارماعانى، تىڭداماعانى ءۇشىن ايىپپۇل بەكىتىلىپ وتىرعان. مىسالى ءبىر قىز ماس بولعانى ءۇشىن قاتاڭ سوققىعا جىعىلعان»، - دەيدى پروكۋراتۋراداعىلار.
قىلمىستىق توپتى انىقتاۋعا كەلىپ تۇسكەن وپەراتيۆتى حابار كومەكتەسكەن.
