قىزىلوردا وبلىسىندا بىلىكتى مامانداردى دايىندايتىن ورتالىق اشىلدى
قىزىلوردا وبلىسىنىڭ كاسىپكەرلەر پالاتاسى مەن «رعاو» اق قىزىلوردا وبلىستىق فيليالى جانە «تەحمامان» جشس اراسىنداعى ارىپتەستىك تۋرالى كەلىسىمگە قول قويىلدى، دەپ وبلىس اكىمدىگىندە حابارلادى.
اتالعان ورتالىقتىڭ جۇمىسىنىڭ نەگىزگى ماقساتى – وڭىرىمىزدە تاسىمالداۋ، عيماراتتار قۇرىلىسى، قۇرىلىس جانە اۆتوجولداردى جوندەۋ كاسىپورىندارىنا قاجەتتى جۇمىسشى كادرلاردى دايارلاۋ، قايتا دايارلاۋ جانە بىلىكتىلىگىن ارتتىرۋ.
«ورتالىقتىڭ ەرەكشەلىگى بولىپ - ونىڭ بازاسىندا ءبىلىم مەكەمەلەرى تۇلەكتەرىنىڭ كاسىبي دايىندىق دەڭگەيىن باعالاۋ جانە مامانداردى سەرتيفيكاتتاۋ، وندىرىستىك وقۋ ورىندارىنىڭ شەبەرلەرى مەن مۇعالىمدەرىنىڭ بىلىكتىلىگىن ارتتىرۋ كۋرستارىن ۇيىمداستىرۋ جانە ت.ب. سانالادى»، - دەلىنگەن حابارلامادا.
قىزىلوردا وبلىستىق كاسىپكەرلەردىڭ وڭىرلىك پالاتاسىنىڭ ديرەكتورى د. ابساتتاروۆ قازىرگى ۋاقىتتا بۋلدوزەر ماشينيستەرى مەن «ۆ» ساناتتاعى اۆتوكولىك قۇرالدارىن جۇرگىزۋشىلەردى دايىنداۋ جۇمىستارى باستالاتىندىعىن ايتتى. پالاتانىڭ الداعى ۋاقىتتاعى جوسپارى مامانداردى دايارلاۋدىڭ، قايتا دايارلاۋدىڭ، بىلىكتىلىگىن ارتتىرۋدىڭ سالالىق وقۋ-ادىستەمەلىك كلاستەرىن ۇيىمداستىرۋ.
www.strategy2050.kz
