سونىمەن، برازيليادا فۋتبولدان الەم چەمپيوناتى اياقتالدى. شەشۋشى ويىندا ارگەنتينا قۇراما كومانداسىمەن كەزدەسكەن گەرمانيا 1-0 ەسەبىمەن جەڭىسكە جەتىپ، التىن كۋبوكتىڭ يەگەرى اتاندى.  قاي-قاشاندا ءتۇرلى بولجامدار مەن قىزۋ اڭگىمەنىڭ وزەگى بولىپ كەلگەن چەمپيونات بۇل جولى الەۋمەتتىك جەلىلەردەگى باستى تاقىرىپقا اينالدى. ويىن باستالعان كۇننەن بەرگى جازبالارعا كەيىن شولۋ جاساي جاتارمىز، ازىرشە ارگەنتينا-گەرمانيا قۇراما كومانادالارى اراسىنداعى باسكەگە قاتىستى قازاقستاندىق جانكۇيەرلەردىڭ كوڭىل-كۇيى الەمجەلىدە قالاي كورىنىس تاپقانىن جاريا ەتە وتىرايىق.

ايدوس سارىم

ال اعايىن! ساعىندىرىپ-سارعايتىپ 4 جىلدا ءبىر كەلەتىن فۋتبول دوداسى ءوز مارەسىنە جەتتى! الەمدەگى ميلليارد اداممەن بىرگە كورگەن ۇلى تويىمىز قۇتتى بولسىن!
گەرمانيا ءسوزسىز جەڭەدى دەپ سانايمىن! ارگەنتينا مىقتاپ قارسىلاسسا ودان دا بەتەر قۋانامىن!
جاقسى ويىن بولسىن نە دە بولسا!

Dossym Zikiriya 

دەگەندە گەرمانيا، گەرمانيا،

 ىشىندە كوپ وزەننىڭ سەن داريا!

رەيحستاگقا تۋ تىككەن راحامداي،

قاقپاڭدى شاڭداتار ما دي ماريا!

Aidos Juqanuly 

ارگەنتينانى 3:1 ەسەبىمەن بە، الدە 4:1 عىپ جەڭەمىز بە؟ وسىنى ويلاپ، باسىم قاتىپ وتىر. قانات-اۋ، سەن نە دەيسىڭ؟ تەك ادەتتەگى جاتتىعۋ بولماسا ەكەن. دەنى دۇرىس قارسىلاسقا جارىمادىق. نيدەرلاندىنى وزىمە تەڭ كورىپ ەدىم. وعان قايدان... راحات دوسىم 7 گول سالعان سوڭ "كورمەگەنىم سەن بولسىن" دەپ قاشىپ كەتتى. قاشىپ بارا جاتىپ، ءبىز نوكاۋت قىلعان بىرازەلدى تاپتاپ وتە شىقتى الدى-ارتىنا قاراماي. ورنىنا راۋان كەلدى. جالعىز مەسسي جارىتپاس. چيپسيگە تويىپ الىپتى. ءجا، نە بولسا دا، قىزىق ويىن بولايىن دەپ تۇر.

مۇحتار تايجان·

ۇلكەن فينال جاقىنداپ كەلە جاتىر، دوستار. نەمىستەر ارگەنتينانى جەڭەدى عوي دەيمىن، ولار شىنىمەن مىقتى. ال مەن ءبىراز ەل كەتكەننەن كەيىن ەندى ارگەنتينانىڭ جانكۇيەر بولامىن))))

جارقىن تۇسىپبەكۇلى 

1998 جىلى ۇيىقتاپ قالا بەرەتىنمىن، 2002 جىلى كۇندىز بولاتىن ويىندار. 11-سىنىپتاعى ديكتانت، باقىلاۋ، ەمتيحاندار كەدەرگى بولدى. 2006-جىلى ديپلوم الىپ، جاتاقحانادان شىعىپ ابىر-سابىر بولدىق. 2010 جىلى ۇيلەندىم، ءايتتىم-ءبۇيتتىم( :-))

وسى 2014 قوي دەيمىن ەس بىلگەلى كوڭىل ءبولىپ كورگەن چەمپيوناتىم. ەرەكشە ءوتتى!

تولەن رامازانۇلى 

ارعىندارعا قارسىمىن، نەمىس باۋىرلارىمدى قولدايمىن!

Gulshat Tussupova

ارگەنتيناعا باياگىدان جانكۇيەرمين، بىراق گەرمانيا وناي جاۋ ەمەس! ەڭبەگى زور، سىيلاماسقا امال جوك!

Zhanat Esentaev

ءدال قازىر · المانيا جەڭبەيدي، ارگەنتينا كونبەيدي. لاتىن امەريكاندىكتار  كۋبوكتى ەشكىمگە بەرمەيدي.

ءامءىرجان قوسانوۆ

 Quiero ganar contra Argentina!)) يسپانشا ارگەنتينا قۇراماسىنا ساتتىلىك تىلەگەن سيقىم عوي... ايىپ ەتپەڭىزدەر. اسىرەسە، دويچلاند جاقتاستارى))

تولەۋبەك قادىرموللا   

ارگەنتينا ءۇش گول سوعادى دەپ وليمپتەگى قىزداردى قۋانتىپ كەتتىم، قىزدار: "باتىر ەكەنسىز" دەدى. وحرانيك قولىمدى الدى....)))

مۋرات نۋرباەۆ

 بالا كەزدە ءبارىمىز جازدىكۇنى كوشەدە ازاننان قاس قارايعانشا الا دوپتى تەبۋشى ەدىك. اكە-شەشەمىز شىبىقپەن ۇيگە قۋىپ كەلەتىن. سول بىرگە دوپ تەبەتىن دوستاردىڭ اراسىندا كورشى تۇراتىن ەكى نەمىس بالا بولاتىن. ءبىرى شابۋىلدى باستاپ، بۇكىل كوشەنىڭ بالالارىن "فينتتارىمەن" قاپى قالدىراتىن ۆوۆا شنايدەر ء(تۇرى بۇگىنگى توماس ميۋللەردەن اۋمايدى) جانە ەكىنشىسى قورعانىستا دوپتى وتكىزبەيتىن ديما حوففمان (تۋرا ماتس حۋممەلس) ەدى. ارنايى دايىندىقتارى، سپورت مەكتەپتەرىندە جاتتىقپاسا دا، دوپ تەبۋدەن بىزگە قاراعاندا شەبەر بولاتىن. كەيىن توقسانىنشى جىلدارى ەكەۋى دە اتا-انالارىمەن بىرگە گەرمانياعا كوشىپ كەتتى. ەندى بۇگىن ءوز قۇرامالارى ءۇشىن جانكۇيەر بولىپ، قۋانىپ وتىرعان شىعار. مەن دە بۇگىن سولاردىڭ تىلەۋلەرىن تىلەيمىن.

Zhanbolat Mamay  

جابىلۋ تسەرەمونياسى جاكسى، دۋرىس وتيپ جاتىر. برازيليالىكتارگا تان ان مەن بي وتە كوپ. بيراك كازاكستاندىك، اسيرەسە "سول جاگالاۋلىك" كورەرمەندەر "مەنتاليتەتين" ەسكەرمەپتي : وپەراتورلار كايتا كايتا ەلباسىن كورسەتپەيدي ەكەن!

Zhandos Baydilda  

برازيليا جەرiندە ارگەنتينا چەمپيون بولسا ۇلكەن كۇنا، ال لاتىن امەريكاسىندا ەۋروپالىق كوماندا چەمپيون اتانسا، ۇلكەن جاڭالىق! ۇلكەن جاڭالىق كۇتەمىز، ونسىز دا برازيليا حالقىنا وڭاي تيiپ جاتقان جوق (مورالنو دا، سوتسيالنو دا)

اجار ساعاتپەكوۆا

مىنا شۋماقتاردى كىم شىعارعانىن بىلمەيمىن. بىراق، ادەمى ايتىلىپتى)

ۆان پەرسيدىڭ گول سالعانى،

ادەمى.

سكولاريدىڭ جىلاعانى ،

ادەمى.

روببەن براتتىن قۇلاعانى،

ادەمى.

مەكسيكانىن ترەنەرىنىن ، ايقايلاپ

جۇگىرىپ ءجۇرىپ قۋانعانى ،

ادەمى

فەلاينيدىن شاش ۇلگىسىنە قاراعاندا

رونالدۋدىن شاش ۇلگىسى

ادەمى.

Kosak KZ

 1990-جىلعى فۋتبولدان يتاليادا وتكەن الەم چەمپيوناتىنىڭ فينالى ۇمتىلماستاي ەستە قالعان. فينالدى قالادان الىستا، بۇرعىلاۋ بريگاداسىنىڭ ۆاگونىندا تۇرعان اق-قارا تۆ-دان كورەتىن بولدىق. باستالعان سوڭ ءبىر موتوريست جىگىت، فۋتبولدىڭ ناعىز فاناتى تىعىلىپ كەلىپ كورىپ ءجۇردى. سەبەبى، كەشكى اۋسىمدا جۇمىستا، بۇرعىلاۋ باسىندا بولۋى ءتيىس. سودان بۇرعىلاۋ شەبەرى الگى جىگىتتى كورىپ قالىپ، قۋىپ جىبەرگەنى سول ەكەن، بۇرعىلاۋ باسىنا باردى دا، ىستەپ تۇرعان جارىق بەرەتىن ديزەلدى ءوشىرىپ تاستادى. ەرەگىسكەن ءتۇرى باستىعىنا، "ماي-سۋىن قاراۋىم كەرەك" دەپ، قوسۋعا اسىقپايدى، سودان "اكە-كوكەلەپ" ءجۇرىپ، ەكىنشى تايمدا ارەڭ قوسىپ العانبىز. سوندا ويناعان كوماندالار گەرمانيا مەن ارگەنتينا ەدى، گەرماندار 1-0 ەسەبىمەن برەمەنىڭ ەكىنشى تايمنىڭ سوڭىندا سوققان دوبىنىڭ ارقاسىندا جەڭىپ كەتكەن. سودان بەرى وسى گەرمانيا قۇراما كومانداسىنىڭ جانكۇيەرىمىن. بۇگىن دە گەرمانيا كومانداسى جەڭىپ، ءوزىنىڭ ءتورتىنشى جەڭىسىنە قول جەتكىزەدى دەپ ويلاپ وتىرمىن.

ءومىرجان ابدىقالىقۇلى

اۋليە ماكستىڭ بولجامى: ەكى كوماندانىڭ ءبىرى مىندەتتى تۇردە جەڭەدى.:)))))

ەسەي جەڭىسۇلى

ال اينالايىندار، بايقاعانىمدى جازايىن.
ءبىز - جانكۇيەر ەمەس ەل ەكەنبىز. جانكۇيەرلىگىمىز - ءىرى تۋرنيرلەردە عانا. "ە-ە، مىنا بالا قاتىسىپ جاتىر ەكەن عوي، جەڭەتىن سياقتى ما؟ جۇرت نە دەيدى ەكەن ول تۋرالى؟ وتكەن جارىستا جەڭدى دەدى مە؟" - وسىنىڭ اينالاسى. نەمەسە. "ارگەنتينادا - مەسسي بار. وندا و كوماندا ءسوزسىز مىقتى!" نەمەسە. "ماسساعان، كريشتيانۋى بار پورتۋگاليا نەگە جەڭىلىپ قالدى-ەي؟!"
جانكۇيەر ەلدىڭ ينتەللەكتى جوعارى بولاتىنىنا كوزىم جەتتى. ويتكەنى، بىلىكتى جانكۇيەر ءار سپورتشىنىڭ سول تابىسقا قالاي جەتكەنىن، قانداي جىگەر جۇمساعانىن، نەشە رەت جىلاعانىن، تورىققانىن، قانداي "تار جول، تايعاق كەشۋلەردەن" وتكەنىن جاقسى بىلەدى، سەزىنەدى، قۇرمەتتەيدى. كوماندالاردىڭ تاكتيكالىق ەرەكشەلىكتەرىنە نازار اۋدارادى، سونى انىقتاۋعا اقىل جۇمسايدى. "وپورنيك" كىم، "حاۆبەك" كىم، "ينسايد" كىم، "جالعاستىرۋشى" كىم، "شابۋىلشى" كىم - شەمىشكەشە شاعادى. سپورتتاعى زاڭدىلىقتارعا نازار اۋدارادى، ءسويتىپ، جەڭىمپازدىڭ قانداي ءداستۇردى ساقتاي وتىرىپ جەڭگەنىنە ىشتەي كوز جەتكىزەدى.
سپورتقا جانكۇيەر بولعان، ارى قاراي ستاتيست بولىپ كەتكەنىن ءوزى بايقاماي قالعان جان اناليتيك بولۋعا بەيىم. قاي سالادا دا. سويتەيىكشى.
مىقتى جانكۇيەر بولايىقشى.

P.S. 1954 جىلى - گەرمانيا العاش رەت فۋتبولدان الەم چەمپيونى بولىپ، التىن كۋبوكتى يەلەنگەن بولاتىن. گەرمانيا قۇراماسى سول جىلى ۋەفا مۇشەسى اتاندى.

نەمىس قۇراما كومانداسى  وسىمەن الەمنىڭ ءتورت دۇركىن چەمپيونى اتاعىن جەڭپ الدى: 1954, 1974, 1990 جىلدارى  جانە 2014 جىلى 13 شىلدەدە  4 رەت الەم چەمپيونى اتاندى. 

12 شىلدە كۇنى گەرمانيا قۇراماسىنىڭ باس باپكەرى  يواحيم لەۆتىڭ قۇراما تىزگىنىن قولىنا العانىنا 8 جىل تولدى! ەندى بىرەر كۇننەن سوڭ گەرمانيا كانتسلەرى انگەلا مەركەل 60 جاسقا تولادى. يواحيم لەۆتىڭ شاكىرتتەرى مەركەلدىڭ مەرەيىن ۇستەم ەتىپ وعان التىن كۋبوكتى تارتۋ ەتتى.

Abai.kz