قازاقستاننان 10 جىل ىشىندە وففشورعا 140 ميلليارد دوللار شىعارىلدى، دەپ حابارلايدى قازاقستاننىڭ باس پروكۋراتۋراسىنىڭ ءباسپاسوز قىزمەتى.  

"حالىقارالىق ساراپشىلاردىڭ پىكىرىنشە، كەيىنگى ون جىل ىشىندە قازاقستاننان كاپيتالدىڭ وففشورلىق ايماقتارعا جىلىستاۋى 140 ملرد. دوللاردى قۇراعان. جەكە تۇلعالار جىل سايىن شامامەن 1,5 ترلن. تەڭگە شىعارادى، تەك 2013 جىلى قايتارىلماعان ۆاليۋتانىڭ جالپى كولەمى 200 ملن. دوللاردى قۇرادى", - دەلىنگەن حابارلامادا. 

«قازاقستان جاڭالىقتارى» جازۋىنشا، كەيىنگى ءۇش جىل ىشىندە ەكونوميكالىق قىلمىستاردى انىقتاۋدا تۇراقتى ءوسۋ ديناميكاسى بايقالادى. 2013 جىلى 7 165 قىلمىس تىركەلگەن، ونىڭ ىشىندە 83%-ىن قارجى پوليتسياسى ورگاندارى، 712 قىلمىستى ىشكى ىستەر ورگاندارى انىقتاعان. قىلمىستان كەلگەن زياننىڭ انىقتالعان سوماسى 220,9 ملرد. تەڭگەنى قۇرادى. 102,9 ملرد. تەڭگە كولەمىندەگى زياننىڭ ورنى تولتىرىلدى (2012ج. -  28,2 ملرد.). 

قىلمىستار قۇرىلىمىندا جالعان كاسىپكەرلىك، جالعان اقشا جاساۋ، ەكونوميكالىق كونتراباندا، سالىق تولەۋدەن جالتارۋ فاكتىلەرىمەن بايلانىستى ارەكەتتەر باسىم كورىنەدى.

اباي-اقپارات