ەگەر ءبىر ءسات سىرت زەرتتەۋشى سياقتى قاراسام، قازاقتاردىڭ باسقادا كەزدەسە قويمايتىن مىناداي ءتورت ەرەكشەلىگى قايران قالدىرار ما ەدى دەپ ويلايمىن:

1. جاڭا ساياسي-ەكونوميكالىق ورتاعا بەيىمدەلگىشتىگى. كوشپەندى قوعامدىق قۇرىلىستان ءداستۇرلى وتىرىقشىلىق تۇرماق زاماناۋي يندۋسترياليزاتسياعا از ۋاقىت ىشىندە كۇشپەن ءبىر-اق كوشىرگەندە، ءوزىن وتارلاۋشى ەلدىڭ ءتىلى مەن عىلىمىن، ساياساتى مەن ونەرىن ونىڭ وزىنەن ارتىق مەڭگەرگەن، سونىڭ ارقاسىندا الىپ تەرريتورياسىن ساقتاپ قالعان مۇنداي قابىلەتتى ەلدى سيرەك كوردىم.
2. مەتروپولياعا ادالدىق. ازاتتىق السا دا، ءوز وتارلاۋشىسىنا وسىنشاما بەرىلگەن ساياسي ەليتاسى بار جانە سوعان لايىق كونبىس حالقى بار ەلدى جانە سيرەك كوردىم.
3. بوكس. حالىقتىڭ جان باسىنا شاققاندا كاسىپقوي جانە اۋەسقوي بوكستا وسىنشاما تابىسقا جەتكەن مۇنداي ەلدى سيرەك كوردىم.
4. "ۇشقىر قيال". ءبىر-ءبىرىنىڭ ۇستىنەن ارىز جازعاندا سۋىرىپ سالمالىق دارىنى مەن شەشەندىك ونەرى ءينتۋيتيۆتى تۇردە ىسكە قوسىلاتىن، "فانتازياسى" (قيسىنسىزدىعى) وسىنشاما شەكسىز حالىقتى جانە سيرەك كوردىم (بولىستىققا تالاسۋ كەزەڭى، "جاپون تىڭشىلارىن" اشكەرەلەۋ كەزەڭى، "جەلتوقسانشىلاردى" ۇستاپ بەرۋ كەزەڭى مەن قازىرگى "اشىق" جانە "جابىق" حات كەزەڭىنىڭ ءتۇرلى شەدەۆرلەرىن كورگەندە تۋعان وي.

جۋرناليست عالىم بوقاشتىڭ facebook پاراقشاسىنان الىندى.