جاڭا جىلدىڭ باستى نىشانى – جاسىل شىرشا ەلىمىزدىڭ بارلىق وبلىس ورتالىقتارىندا اسپانعا شانشىلىپ تۇرعالى ايعا جۋىقتاپ قالدى. ءھام بۇل شىرشالار قازىنادان بولىنگەن مول قارجىعا ساتىپ الىناتىنى تاعى انىق. ساناي بىلەتىندەر، الگى اقشاعا ءبىرشاما جاس وتباسىعا باسپانا ساتىپ الۋعا بولاتىندىعىندا ەسەپتەپ جاتادى...

ايتپاعىمىز، بۇل ەمەس: بيۋدجەتتىڭ اقشاسىنا اكىم-قارالار ەسەپ بەرە جاتار، جىلدى جۇلدىزدى شىرشانى اينالىپ قارسى الۋ – پارىز. بىراق، وسى شىرشالار... شارشاي باستاعان سىڭايلى. مىسالعا، تۇنەۋ كۇنى شىمكەنتتىڭ ورتالىعىنداعى ءنان شىرشا... قۇلاپ قالدى. جەڭىلتەك مىنەزدى جاس-جەلەڭ جىگىت-قىزدىڭ زيانى تيمەپتى، جەلدىڭ قاتتى سوعۋىنان جانتايىپ جاتا كەتكەن-ءمىس. «شارشاعان»  شىرشانى زاماتىندا الماستىرىپ قويدى...

ودان بەرىدە، قىزىلوردانىڭ باستى جاڭا جىلدىق شىرشاسى جانىپ كەتتى.

كادىمگىدەي، قىپ-قىزىل جالىنعا ورانىپ، كۇيىپ جاتتى. جان بالاسى ءتاتتى ۇيقىدا جاتقاندا ورتەنىپتى، ابىروي بولعانى دا...

راس، قۇلاعان، قيراعان سىرىقتان دا ماڭىزدى ماسەلە بارشىلىق، بىراق، جىل كەلگەنگە دەيىن ءبىر اي ۋاقىت بۇرىن جاعىلاتىن شىرشالاردىڭ دا «شارشاي» باستاعانى شىنىنان ءازىلى باسىم اڭگىمەگە عانا ارقاۋ بولىپ قالا بەرە مە؟

اباي.kz