ەلباسى نۇرسۇلتان نازارباەۆ تاۋەلسىزدىك كۇنىن مەرەكەلەۋگە ارنالعان سالتاناتتى جيىندا جاريالاعان «تاۋەلسىزدىك تولعاۋى» يدەيالار توعىسى، دەپ ەسەپتەيدى قر پارلامەنتى ءماجىلىسىنىڭ دەپۋتاتى زۋحرا ساياپوۆا. 

«كەشە پرەزيدەنتىمىز نۇرسۇلتان نازارباەۆ جاريالاعان «تاۋەلسىزدىك تولعاۋى» - يدەيالار توعىسى. ول كىسىنىڭ ءبىرىنشى يدەياسى - جولدى اشىپ بەرگەن يدەيا - قازاقستان حالقى اسسامبلەياسىن قۇرۋ. ول بۇگىن بىرەگەي ينستيتۋتقا اينالىپ وتىر. بارشامىزدى بىرىكتىرەتىن، بارشامىزدىڭ باسىمىزدى قوساتىن ۇيىم بولىپ شىعا كەلدى. ەكىنشى يدەيا - ەلوردامىزدى استانا دەپ اتاۋى. ءۇشىنشى يدەيا - «نۇرلى جول - بولاشاققا باستار جول». ءتورتىنشى يدەيا - «ماڭگىلىك ەل». بۇل ءبىزدى بولاشاق ماقساتىمىزعا جەتكىزەتىن جول. مىنە، ءبىز وسى يدەيالاردىڭ ارقاسىندا بۇگىندە الەمگە تانىمال ەگەمەن ەل بولدىق. ءبىزدىڭ تۇراقتىلىعىمىزدان، بىرلىگىمىزدەن، ىنتىماعىمىزدان باسقا ەلدەر ۇلگى الاتىن بولادى»، - دەيدى ول.
دەپۋتاتتىڭ ايتۋىنشا، بۇگىنگى تاڭدا مەملەكەتىمىز كوپۇلتتى، كوپدىندى بولىپ قانا قويماي، ءوزىنىڭ تۇراقتىلىعى ارقاسىندا باسقا ەلدەردىڭ ۇلگى الاتىن مەملەكەتى بولىپ تابىلادى.
«بۇگىنگى تاڭدا ءبىزدىڭ مەملەكەتىمىز كوپۇلتتى، كوپدىندى، ءتىپتى ءبىزدىڭ دوستىعىمىزدان ۇلگى الاتىن مەملەكەت بولىپ تابىلادى. ءبىزدىڭ ەلىمىزدىڭ بىرلىگى، ەلىمىزدىڭ تۇراقتىلىعى بەرىك بولسىن. كوك اسپانداي كوك تۋىمىز ءاردايىم بيىكتەن جەلبىرەي بەرسىن. ەلباسىمىز امان بولسىن، بارلىعىمىز امان بولايىق. ماقساتتارىمىزعا جەتە بەرەيىك. بارشاڭىزدى تاۋەلسىزدىك كۇنىمەن شىن جۇرەكتەن قۇتتىقتايمىن!» - دەدى ز.ساياپوۆا.

اباي-اقپارات.

دەرەككوز: http://inform.kz/kaz/article/2728078