ءبيسميللاھير ءراحمانير راحيم

مەملەكەتتىڭ جاسىن بىلەگىلەۋدە اسىعىستىق جاسامايىق...

ءۇيسىن رۋ اتى ەمەس، مەملەكەت اتى. ءبىزدىڭ تاريحتا بولعان ول مەملەكەتىمىز ءجايلى جازبا دەرەك مول. سوندىقتان قازاق مەملەكەتتىگىن ءۇيسىن مەملەكەتى داۋىرىنەن باستاعان ءجون! سوندا قازىرگى مەملەكەتتىگىمىزدىڭ تاريحى جاعىنان دا، جاسى (ۋاقىتى) جاعىنان دا ۇتىلمايمىز.

نەگىزىندە مەملەكەتتىلىكتى ساق داۋىرىنەن باستاۋعا دا بولادى. دەگەنمەن ساق ءداۋىرى ءسال جالپىلامالانىپ كەتەدى... ول جەكە بىزدەن گورى كۇللى تۇرىك اۋلەتتەرىنە تانىرەك. ال ءۇيسىن مەملەكەتى بولسا، ول تۋرا ءبىزدىڭ حالىقتىڭ ءتول مەملەكەتى. سوندىقتان ءۇيسىن مەملەكەتىنىڭ ءبىز ءۇشىن نەگىزى وتە كۇشتى. سونداي-اق ول ءجايلى دەرەكتەر تەڭىز. ونىڭ تاريحتاعى مەملەكەتتىك ۇستىنى دا تىم ايقىن!

جاتپاسىن دەسەڭ تاعى «مۇزىڭ كۇيىپ»،

تارتپاسىن دەسەڭ ۇل مەن قىزىڭ كۇيىك،

بەۋ، حالقىم، ساقتا ەلدىك انىعىڭدى،

جاتپاساڭ ءجۇز-ءجۇز بولىپ ءجۇزىڭ كۇيىپ!...

تاعى ءبىر ماڭىزدى ەسكەرتۋ:

وسىدان ءسال عانا جىل بۇرىن مىنا بۇيىرىمىزدەگى قىرعىز اعايىننىڭ: ء"ۇيسىن مەملەكەتى ءبىزدىڭ مەملەكەتىمىز بولاتىن" دەگەنىن، سودان ءبىزدىڭ ءنابيجان مۇقامەتجان اعامىز باستاعان تاريحشىلار بارىپ، ول ءبىزدىڭ تاريحي مەملەكەتىمىز ەكەنىن دالىلدەپ جاتىپ ارەڭ الىپ قالعانىن جادىمىزدا ۇستاعانىمىز ءجون. كۇنى ەرتەڭ ونداي تاريحتا ەشكىمگە كەرەگى جوق مەملەكەتكە يە بولعىسى كەلەتىندەر تابىلادى، اعايىن! (ول بىزگە كەرەك بولماعانمەن، ءبىز تەكتىلەردىڭ كەيىنگىگە ءسوزسىز كەرەك بولارى داۋسىز...)

قىمىزدان ايىرىلۋعا بولاتىن شىعار، ال، بىراق، مەملەكەتتەن ايىرىلۋعا بولمايدى عوي، قۇرمەتتى جاقسىلار...

رۋلىق ەمەس، ۇلتتىق بيىك كوڭىلمەن قاراپ، تالقىلاپ كورىڭىزدەر، قانە!

قۇل-كەرىم ەلەمەس

Abai.kz