ءال-فارابي عىلىمي كىتاپحاناسىنىڭ ءماجىلىس زالىندا ءباسپاسوز جانە ەلەكتروندى باق كافەدراسىنىڭ ۇيىمداستىرۋىمەن «قازاقستان جۋرناليستيكاسىنىڭ بۇگىنى مەن بولاشاعى» اتتى رەسپۋبليكالىق عىلىمي-پراكتيكالىق كونفەرەنتسيا ۇيىمداستىرىلدى. كونفەرەنتسيا  ينۆەستيتسيالار جانە دامۋ مينيسترلىگىنىڭ بايلانىس، اقپاراتتاندىرۋ جانە اقپارات كوميتەتىنىڭ جانە باس رەداكتورلار كلۋبىننىڭ  قولداۋىمەن  جانە جۋرناليستيكا فاكۋلتەتىنىڭ ۇيىمداستىرۋىمەن ءوتتى.

ءىس-شارانىڭ نەگىزگى ماقساتى: ەلىمىزدىڭ بەدەلدى دە  بەلدى بۇقارالىق اقپارات قۇرالدارى باسشىلارىن، جەتەكشى وكىلدەرىن، بەلگىلى عالىم-ۇستازداردىڭ باسىن قوسىپ، جۋرناليستيكانىڭ زاماناۋي تالاپتارعا ساي دامۋى مەن مودەرنيزاتسيالاۋ ماسەلەلەرىن تالقىلاۋ بولاتىن.

كونفەرەنتسيانىڭ مودەراتورى جەتىنشى ارنا ديرەكتورلار كەڭەسىنىڭ ءتورايىمى، باق سالاسىنداعى قر پرەزيدەنتى سىيلىعىنىڭ لاۋرەاتى، باس رەداكتورلار كلۋبىنىڭ پرەزيدەنتى   بيبىگۇل جەكسەنباي جۇرگىزىپ وتىردى.

اتالعان شاراعا «قازاق گازەتتەرى» جشس-ءنىڭ باس ديرەكتورى، رەداكتورلار كەڭەسىنىڭ توراعاسى كەنجالين جۇمابەك، «تۇركىستان» گازەتىنىڭ باس رەداكتورى پاتتەەۆ ءشامشيدين،  «جاس قازاق» گازەتىنىڭ باس رەداكتورى Cرايل سمايل، «قازاق ادەبيەتى» گازەتىنىڭ باس رەداكتورى جۇماباي شاشتايۇلى، «الاش ايناسى» گازەتىنىڭ باس رەداكتورى سەرىك  جانبولات، «ۆەچەرنيايا الماتى» گازەتىنىڭ باس رەداكتورى نيكولاي جوروۆ، «پرەزيدەنت جانە حالىق» رەسپۋبليكالىق قوعامدىق-ساياسي گازەتىنىڭ باس رەداكتورى مارات توقاشباەۆ، «Abai.kz» اقپاراتتىق پورتال جەتەكشىسى، تانىمال جۋرناليست داۋرەن قۋات، «ەكونوميكا» گازەتىنىڭ باس رەداكتورى اقاس ءتاجۇتوۆ، «قازاق  راديوسى» الماتى ستۋدياسىنىڭ باس رەداكتورى مۇرات مۇقاش ت.ب قاتىسىپ، ىنتىماقتاستىق تۋرالى مەموراندۋمعا قول  قويدى. 

كونفەرەنتسيا رەكتور عالىم مۇتانۇلىنىڭ العى سوزىمەن اشىلدى.  عالىم مۇتانۇلى ءوز سوزىندە: «بۇگىندە جاھاندىق  دەڭگەيدە ورىن الىپ وتىرعان باسپا جانە ەلەكتروندى باق-تىڭ باسەكەلەستىگى ۇلتتىق بۇقارالىق مەديا سالاسىن دا شارپىپ وتىرعانى راس. بۇل زاڭدى قۇبىلىس. وسىناۋ  ەلەكتروندى ۇردىستەردىڭ جىلدام دامىپ وتىرعان كەزەڭىندە قازاقستاندىق بۇقارالىق اقپارات سالاسىنىڭ ماسەلەلەرى، دامۋى، بولاشاعى اكادەميالىق ورتادا تالقىلانۋى، زەرتتەلۋى قاجەتتىگىن باس ايتقىم كەلەدى. سوندىقتان ينتەللەكتۋالدى قۇندىلىقتاردى قالىپتاستاستىراتىن عىلىمي جۋرناليستيكانىڭ، كوممۋنيكاتسيا تۋرالى عىلىمنىڭ مارتەبەسى ارتۋى قاجەت. بۇل سونداي-اق جوعارى مەكتەپكە جاڭا مەدياتەحنولوگيانى ەركىن مەڭگەرگەن بولاشاقتىڭ جۋرناليستەرىن دايىنداۋدى تالاپ ەتەدى» - دەدى. سونىمەن قاتار: «وسى ورايدا باس رەداكتورلار كلۋبىمەن قازۇۋ اراسىنداعى ىنتىماقتاستىقتىڭ اياسىندا بىرلەسكەن جوبالار جۇزەگە اسادى، ۇلكەن بولاشاعى بولادى دەپ كۇتىلۋدە»، - دەپ ويىن ساباقتادى.

جالپى كونفەرەنتسيادا بارلىق قاتىسۋشىلار، وقىتۋشى-پروفەسسورلار بۇگىنگى جۋرناليستيكانىڭ دامۋى مەن بولاشاعى، بۇقارالىق كوممۋنيكاتسيا ارنالارىنىڭ ماسەلەلەرىن كەڭىنەن تالقىلاپ، شەشۋشى جولدارىن ۇسىندى. بىرلەسكەن اۋقىمدى جوبالار اياسىندا ستۋدەنتتەردىڭ شىعارماشىلىق جۇمىستارىن تىكەلەي وندىرىسپەن بايلانىستىرۋدىڭ وڭتايلى جولدارى ۇسىنىلدى.

قورىتا ايتقاندا، ەلىمىزدىڭ بۇقارالىق اقپارات قۇرالدارىنىڭ باسشىلارى مەن وكىلدەرىنىڭ قاراشاڭىراقتا باس قوسىپ، كەلەلى دە سابدارلى ماسەلەلەردى تالقىلاۋى بولاشاققا جاسالعان يگى قادامدار دەۋىمىزگە بولادى.

ايگەرىم ءالىمجان

ءباسپاسوز جانە ەلەكتروندى باق كافەدراسى

"قامشى" سىلتەيدى