الماتىدا بالاباقشادان شۋ شىقتى. بالامىزدى تاربيەشىلەر ۇرىپ-سوعادى، ءتىپتى اۋلا سىپىرۋشى زورلاماق بولدى دەگەن اتا-انالار جانۇشىرا پوليتسياعا شاعىم تۇسىرگەن، - دەپ حابارلايدى Nur.kz.

ۇزاق ۋاقىت بويى ىشتەن تىنىپ كەلگەن ولار، بالاباقشا باسشىلارى مەن جاۋاپتى جاندار قىزمەتىنەن كەتسىن دەپ وتىر.

سيرەك سويلەيتىن كىشكەنتاي قىزىنىڭ شاعىمىن ەستىگەندە اتا-اناسى سترەسس الىپ، نامىستان جارىلا جازداپتى. ولاردىڭ ايتۋىنشا، كورۋ مۇمكىندىگى شەكتەۋلى بالالارعا ارنالعان 13 بالاباقشادا مۇنداي سوراقىلىقتار جاز ايلارىنان باستالعان.

سوندىقتان بالاسىن سەنىپ تاپسىرعان، جاعدايدى باقىلاۋعا الماعان تاربيەشىلەردىڭ ءتيىستى جازاسىن العانىن قالايدى. ءتىپتى قىزىمىزعا اۋلا سىپىرۋشى ەمىن-ەركىن زورلىق كورسەتپەك بولعان دەيدى.

Nur.kz