رەسەيدىڭ ۇلتشىل زاڭسىز ميگراتسياعا قارسى قوزعالىسىنىڭ جەتەكشىسى، قاماۋداعى الەكساندر بەلوۆ-پوتكينگە جاڭا ايىپ تاعىلدى. LifeNews سايىتىنىڭ بەلوۆ-پوتكيننىڭ ادۆوكاتى يۆان ميرونوۆقا سىلتەمە جاساپ حابارلاۋىنشا، ورىس ۇلتشىلىنا قازاقستاندا مەملەكەتتىك توڭكەرىس جاساۋدى ۇيىمداستىرماق بولدى دەگەن ايىپ تاعىلعان.

“رۋسسكيە” قوزعالىسى جەتەكشىلەرىنىڭ ءبىرى الەكساندر پوتكين 2014 جىلدىڭ 15 قازانىندا مۇحتار ءابليازوۆ باسقارعان “بتا بانككە” قاتىستى ءىس اياسىندا ۇستالعان. وعان العاش زاڭسىز جولمەن تابىلعان مۇلىكتى زاڭداستىردى دەگەن ايىپ تاعىلعان.

تامىز ايىندا بەلوۆ-پوتكينگە ەكسترەميستىك ءىس-ارەكەت جاساۋعا جاريا تۇردە شاقىردى دەگەن ايىپ بويىنشا تاعى ءبىر ءىس قوزعاعان.

قازاقستاندىق بۇرىنعى بانكير مۇحتار ءابليازوۆ 2013 جىلدىڭ تامىزىنان بەرى فرانتسيادا قاماۋدا وتىر. فرانتسيادا ول رەسەي مەن ۋكراينانىڭ قازاقستان بيلىگى تاققان قارجىلىق الاياقتىق جاسادى دەگەن ايىپپەن ەكستراديتسيالاۋ تۋرالى ءوتىنىشى بويىنشا ۇستالعان.

ءابليازوۆتىڭ ءوزى ايىبىن مويىنداعان جوق.

Nur.kz