قالانىڭ سۋ جاڭا ءھام جاس اكىمى ورىس پراۆوسلاۆيە شىركەۋىنىڭ قازاقستان اۋماعىنداعى نەگىزگى ەكى كونفەسسيانىڭ ءبىرى ەكەندىگىن ايتىپ، جاستاردى ءداستۇرلى ءدىني اعىم رۋحىندا تاربيەلەۋدىڭ ماڭىزدى ەكەندىگىن اتاپ وتكەن.

سونداي-اق، قالا اكىمى بيىل ەلىمىزدە كونستيتۋتسيانىڭ 20 جىلدىعى، قازاق حاندىعىنىڭ 550-جىلدىعى جانە كيەلى ۆلاديمير كنيازدىڭ قايتىس بولعانىنا 1000 جىل تولۋى مەرەكەسى كەڭ كولەمدە اتالىپ وتىلەتىنىن جەتكىزگەن.

كونستيتۋتسيانىڭ 20 جىلدىعى مەن قازاق حاندىعىنىڭ 550-جىلدىعىن تۇسىنۋگە بولادى، ەلىمىز ۆلاديمير كنيازدىڭ قايتىس بولعانىنا 1000 جىل تولۋى مەرەكەسىن نەلىكتەن اتاپ ءوتۋى كەرەك؟ رەسەي فەدەراتسياسىنىڭ پرەزيدەنتى ۆ.پۋتين "قازاق مەملەكەتتىلىگى بولماعانىن" ايتىپ، ەلدى دۇرلىكتىرگەندە، ءبىز وعان جاۋاپ رەتىندە قازاق حاندىعىنىڭ 550 جىلدىعىن تويلاماققا بەكىنگەن ەدىك. ەندى باۋىرجان بايبەكتىڭ كنيازدىڭ "مىڭجىلدىعىن" تويلايمىز دەگەنى قايدان شىقتى؟ جاس اكىمنىڭ ءمۇفتيدى ەمەس، ءميتروپوليتتى قابىلداۋىنىڭ استارىندا نە جاتىر؟ سۇراق كوپ. جاۋاپ جوق...

P/S. ايتپاقشى ءميتروپوليتتى قابىلداپ، ۆلاديمير كنيازدىڭ 1000 جىلدىعىن تويلايمىز دەپ ايدى اسپاننان شىعارعان اكىمنىڭ "ەسىگىنىڭ الدىن توزدىرعان" الماتىلىق جەلتوقسانشىلاردى قابىلداۋعا شاماسى كەلمەدى. جاڭا اكىمگە، ءالى كۇنگە اقتالا الماي جۇرگەن جەلتوقساندىقتاردىڭ ايتار نازى بار ەكەن. اكىمدىك عيماراتىنىڭ ەسىگىنەن قايتقان ولار باۋىرجان بايبەككە ەلىمىزگە تاۋەلسىزدىك الىپ بەرگەن جەلتوقسان ۇلت-ازاتتىق كوتەرىلىسىنىڭ 30 جىلدىعى جاقىنداپ قالعانىن دا ەسكەرتپەك بولعان. 

Abai.kz