ماڭعىستاۋ وبلىسىندا قازاقستانداعى ءتورتىنشى مۇناي وڭدەۋ زاۋىتى ء(موز) سالىناتىن بولدى دەپ ماىلمدەدى ءوڭىر باسشىسىنىڭ ورىنباسارى راحىمبەك ءامىرجانوۆ 15 شىلدە كۇنى وبلىس ورتالىعىندا وتكەن ءباسپاسوز ءماجىلىسى بارىسىندا.

Nur.kz-ءتىڭ جازۋىنشا، ءموز قۇرىلىسى يرانمەن بىرگە جۇرگىزىلەتىن بولادى.

ء“وز كەزىندە اقتاۋ پورتى ارقىلى 5 ميلليون توننا مۇناي يراننان جىبەرىلەتىن. بۇل اقتاۋ پورتىنىڭ جۇك اينالىمى كورسەتكىشىن جاقسارتقان. ەندى جەرگىلىكتى اكىمدىك يرانمەن ماڭعىستاۋدان ءتورتىنشى مۇناي وڭدەۋ زاۋىتىن سالۋ تۋرالى ماسەلەنى قاراستىرىپ جاتىر. جۇرگىزىلگەن تالداۋلاردان كەيىن يران تاراپى كەلىسىمىن بەردى. ول ەل وزىندەگى مۇناي ونىمدەرىنىڭ 40 پايىزىن ەكسپورتقا جىبەرەدى. بىزدە دە وسىعان ۇقساس جاعداي. بۇرىن تاۋار الماسۋ ەكى ەلگە دە ءتيىمدى بولدى”، – دەگەن مالىمدەمەسىندە ءامىرجانوۆ.

“ال، ءموز سالۋ ودان دا تيىمدىرەك. زاۋىت ماڭعىستاۋ وبلىسىنىڭ اۋماعىندا بولادى. وبلىستا وندىرىلگەن مۇناي ونىمدەرى يراننىڭ سولتۇستىك پورتتارىنا تاسىمالدانادى. ال، يراننىڭ وڭتۇستىگىنەن الىنعان شيكى مۇناي بىزدەگى ءموز-گە جەتكىزىلەدى. بۇل ەكى جاقتىڭ دا پايداسى ءۇشىن جاسالاتىن يگى ءىس. ءبىز قازىرگى تاڭدا يراننىڭ مۇناي مينيسترلىگىمەن بىرقاتار كەلىسىم جۇرگىزىپ بىتتىك. سونداي-اق، ءبىزدىڭ ەلدە دە بۇل جوباعا ينۆەستيتسيا قۇيۋعا دايىن وتىرعان ءىرى كومپانيالار بار”، – دەپ اتاپ ءوتتى ءامىرجانوۆ.

ونىڭ ايتۋىنشا، ۋاقىتىلى قارجى بولىنسە جاقىن كۇندەرى جوبانىڭ تەحنيكالىق-ەكونوميكالىق نەگىزدەمەسى اياقتالىپ، جىل سوڭىنا دەيىن قۇرىلىس كەلىسىمشارتىنا قول قويىلۋى كەرەك. جوبانىڭ قۇرىلىسىنا كەتەتىن قاراجات شامامەن 6 ميلليارد دوللاردى قۇرايتىن بولادى.

ايتا كەتەتىن بولساق، قازىرگى تاڭدا قازاقستاندا 3 مۇناي وڭدەۋ زاۋىتى بار: پاۆلوداردا، اتىراۋدا جانە وڭتۇستىك قازاقستان وبلىسىندا. الايدا بۇل زاۋىتتار قازاقستاندىقتاردىڭ سۇرانىسىن تولىق وتەي الماي كەلەدى.

اباي-اقپارات