بۇگىنگى كۇننەن باستاپ دوللاردىڭ تەڭگەگە شاققانداعى ءدالىزى 198 تەڭگەگە دەيىن كەڭەيتىلدى.

وسىعان وراي تىلشىلەر ۇلتتىق بانك باسشىسىنا: «دوللار باعامى بۇگىننەن باستاپ 190 تەڭگەدەن اسىپ جىعىلادى دەگەندى بىلدىرەدى مە؟» دەگەن ساۋال تاستاعان. كەلىمبەتوۆ تىلشىلەرگە جاۋابىندا دوللاردىڭ باعامى الداعى توقسانعا دەيىن وزگەرمەيتىنىن حابارلادى.

ء«بىرىنشى جارتىجىلدىقتا دوللار 2,5 پايىزعا وسكەن. بۇل جارتى جىلدا بولعان ءوسىم. سۇرانىستى ارتتىرۋدىڭ ەشبىر قيسىنىن كورىپ وتىرعانىمىز جوق. جاقىن ارادا بۇگىنگى باعام قالا بەرەدى. ءبىزدىڭ كەڭەيتىلگەن دالىزگە كەلەتىن بولساق، ول بىردەن ورىن المايدى. الداعى توقساندا ورىن الادى دەپ ويلاپ وتىرمىز»، – دەدى ول.

قازاقپاراتتىڭ جازۋىنشا، كەلىمبەتوۆ ۇلتتىق بانك پەن ۇكىمەت الداعى ۋاقىتتا ەكونوميكاداعى دوللارلاندىرۋ دەڭگەيىن تومەندەتۋدى جوسپارلاپ وتىرعانىن دا جاسىرماعان. بۇل ارقىلى ەكونوميكانى ءارتاراپتاندىرۋ مەن تۇراقتاندىرۋ، قولماقول اقشاسىز تولەم ءادىسىن جەتىلدىرۋدى كوزدەيدى.

ول سونداي-اق ءرۋبلدىڭ وزگە ۆاليۋتالارعا شاققانداعى باعامى تىكەلەي مۇناي قۇنىنا بايلانىستى بولاتىنىن جەتكىزدى.

«رۋبل مەن دوللاردى ساتىپ الۋ مامىر ايىندا ەكى ەسەگە قىسقارسا، ەۋرونى ساتىپ الۋ 20 پايىزعا تومەندەگەن. 2015 جىلدىڭ مامىرىندا قازاقستاندىقتار بارلىعى 240,2 ميلليارد تەڭگەنى ساتىپ العان. ءساۋىر ايىنداعى سالىستىرۋ بويىنشا، ايىرباستاۋ ورىندارىنداعى EUR/USD/RUR ۆاليۋتالارى بارلىعى 502,2 ميلليارد تەڭگەنى قۇراعان. «قازاقستانداعى دەپوزيتەردى كەپىلدەندىرۋ قورى» اق ديرەكتورلار كەڭەسى ناقتىلاعانداي تەڭگەمەن دەپوزيت اشقان ءار تۇلعاعا 10 پايىز ءوسىم بەرىلسە، شەت ەلدىك ۆاليۋتادا ءوسىم جىلىنا نەبارى 3 پايىزدى قۇرايدى. وسى نەگىزدە جوسپارلانىپ وترىعان دوللارلاندىرۋ دەڭگەيىن تومەندەتۋ ماكروەكونميكا تۇراقتىلىققا قول جەتكىزبەك، دەپ اتاپ ءوتتى ۇلتتىق بانك توراعاسى.

ونىڭ سوزىنە قاراعاندا، الداعى جىلداردا مۇناي باعاسى باررەلىنە 50-70 دوللار كولەمىندە بولادى. ءارى، بيۋدجەتتىڭ كولەمى دە وزگەرمەيدى. سەبەبى بيۋدجەت مۇنايدىڭ باعاسى 50 دوللار شاماسىندا قالاندى.  ۇلتتىق بانك توراعاسى بۇگىن ورىن العان وزگەرىستەرگە قاراماستان، قارجىنى تەڭگەلىك دەپوزيتتەردە ساقتاعان ءتيىمدى دەگەن پىكىرىن قايتالادى.

اباي-اقپارات