رەسەيدىڭ نيجنەۆارتوۆسك قالاسىندا ەكى يوگا ستۋدياسىنا قۇزىرلى ورگاندارىنان حات كەلدى. حاتتا يوگا ساباقتارىنىڭ توقتاتىلۋىن، جاسالىپ وتىرعان يوگالارىنىڭ ءدىني عيباداتتارعا ۇقسايتىنى جازىلعان.

الەمدىك يوگا كۇنىن اتاپ ءوتۋ ءۇشىن اقش- تىڭ نيۋ- يورك قالاسىندا وتكەن يوگاعا قاتىسىپ وتىرعان بۇۇ حاتشىسى پان گي مۋن

The Moscow Times گازەتىندەگى جاڭالىقتارعا سايكەس بۇل ستۋديالاردىڭ جۇمىسىنا قۇزىرلى ورگاندار كۇدىكپەن قارايدى. پروكۋراتۋرا اكىمشىلىك عيماراتىندا ورنالاسقان يوگا ستۋديالارىنىڭ جۇمىستارىن توقتاتقانىن قالايدى. ەسكەرتۋ حاتتا «جاڭا ءدىني اعىم جولى مەن وسىعان ۇقساس قاندايدا ءبىر ارەكەتتەر توقتاتالىسىن» دەلىنگەن. بۇل ستۋديالار حاتحا ستيلىندە يوگا ساباقتارىن جۇرگىزىپ كەلەدى. حاتحا يوگاسى ءدىني عيباداتتاردان ەش ايىرماشىلىعى جوق ەكەنى دە ەسكەرتۋ حاتتا جازىلعان.

ەسكەرتۋ حاتىن العان كۋرستاردىڭ بىرىندە جۇمىس ىستەيتىن يوگا مۇعالىمى ينگا پيمەنوۆا  «بارلىعىمىز قوبالجىدىق دەگەنمەن، بىزدە ءدىني عيبادتتار ورىندالمايدى عوي» دەپ جاۋاپ بەردى.

يندۋيزم اڭىزىنا سەنسەك تاڭىرلەردىڭ بىرەۋى شيۆا، حاتحا يوگاسىن تاپقان. 21 ماۋسىم كۇنى العاش رەت الەم يوگا كۇنىن تويلاعان. ءجۇز مىڭداعان ادام بۇل مەرەكەنى اتاپ ءوتتى. ءۇندىستان پرەمەرى نارەندرا مودي الەمدىك يوگا كۇنىندە دەلي قالاسىندا 35 مىڭ ادامعا يوگا سەانسىن وتكىزگەن. بۇل وقيعاعا ۇندىستانداعى مۇسىلمان ساياساتشىلارى قارسى پىكىر تانىتقان بولاتىن.

ال، رەسمي دەرەكتەرگە سۇيەنسەك قازاقستاننىڭ بارلىق قالالارىندا يوگا ورتالىقتارى بار. يوگانى دارىپتەۋشىلەر يوگانىڭ ماعىناسى – بايلانىس نەمەسە جالعاسۋ دەگەندى بىلدىرەدى دەيدى، ولاردىڭ ويىنشا يوگا جاتتىعۋلارى بىزدى جاراتقانمەن، عىلىمي تىلمەن ايتقاندا تابيعاتپەن بايلانىسۋىمىزعا كومەكتەسەتىن كورىنەدى.  يسلام عالىمدارى بولسا يوگامەن اينالىسۋدىڭ ورنىنا ونىڭ ورنىنا اتا-بابامىزدىڭ ءتول ءدىنى - يسلامنىڭ ۇكىمىنە بويسۇنىپ، سوعان ساي امال ەتكەن ءجون دەپ سانايدى.

تۇرىقبايۇلى نازار

«قالا مەن دالا» گازەتىنىڭ ءتىلشىسى.