بۇگىن استانادا «نۇر وتان» پارتياسىنىڭ قاتارىنا قابىلداۋ سالتاناتى ءوتتى. پارتيالىق بيلەتتى پارتيانىڭ 12 جاڭا مۇشەسىنە پارتيا توراعاسىنىڭ ءبىرىنشى ورىنباسارى باۋىرجان بايبەك تاپسىردى. بۇل تۋرالى قازاقپارات حابارلادى.

پارتيا قاتارىنا جاڭا مۇشە بولىپ: پرەزيدەنت جانىنداعى مەملەكەتتىك باسقارۋ اكادەمياسىنىڭ پروفەسسورى زينايدا فەدوتوۆا، «جامبىل ەلەكتر جەلىلەرى» جشس باس ديرەكتورى ءاليحان جاربولوۆ، «Kazakhstan Computer Graphics» جشس باس ديرەكتورى ەرنار قۇرماشەۆ، «جاسىل ەل» جاستار ەڭبەك جاساعى رەسپۋبليكالىق شتابىنىڭ جەتەكشىسى راحات حاميدۋللين، «قازاقستان» رترك اق اقپاراتتىق-ساراپتامالىق ديرەكتسياسىنىڭ ديرەكتورى قۇرمانبەك قازانباسوۆ، جامبىل اتىنداعى قازاق مەملەكەتتىك فيلارمونيا ديرەكتورى اقان ابدۋاليەۆ، قوستاناي وبلىسىنىڭ «تورو» كومپانياسىنىڭ ديرەكتورى مايل تورويان، اقتوبە وبلىسىنىڭ «وسەرباي» شارۋا قوجالىعىنىڭ باسشىسى لاريسا يۋ، شقو «زەنيت» زاۋىتىنىڭ ينجەنەر-قۇراستىرۋشىسى داۋرەن وحاسوۆ، رەجيسسەر جانە اكتەر ماكسيم اكباروۆ، ەسترادالىق انشىلەر قايرات نۇرتاس پەن جانار دۇعالوۆا ەندى.
پارتيانىڭ اتقارۋشى توراعاسى باۋىرجان بايبەك: ء«بىزدى قاتارىمىزعا كىرۋشىلەر سانىنىڭ جىل سايىن ارتىپ كەلە جاتقانى قۋانتىپ وتىر. پارتيانىڭ نەگىزىن قالاۋشى ءارى ساياسي يدەالى – ەلباسى ءوزىنىڭ ۇلگىسىمەن، جەتىستىكتەرىمەن، جۇمىسىنا، حالقىنا دەگەن ماحابباتىمەن وسىنداي قازاقستاننىڭ ىرگەتاسىن قالادى. پارتيانىڭ مىندەتى – مەملەكەتتىك باعىتتى، بىرلىك پەن ىنتىماقتى قامتاماسىز ەتۋ. وسىنداي قاراپايىم نارسەلەرسىز ەل دامۋىنا قول جەتكىزىلمەيتىن ەدى. پارتيانىڭ بۇگىنگى ميسسياسى – «2050 ستراتەگياسىنا» قول جەتكىزۋ ءۇشىن باعىت پەن جاعدايلاردى قامتاماسىز ەتۋ. ال بۇل حالقىمىزدىڭ بىرىگۋىنسىز مۇمكىن ەمەس. سوندىقتان ءبىز سىزدەردىڭ «نۇر وتان» پارتياسىنىڭ قاتارىنا كىرۋ شەشىمىڭىزدى قۋانا قارسى الىپ وتىرمىز»، –دەسە، ءانشى قايرات نۇرتاس بۇل پارتيا قاتارىنا ەلىنە پايدا اكەلۋ ءۇشىن كىرگەنىن ايتادى.

«نۇر وتان» – ەلباسىمىزدىڭ پارتياسى، بارلىق باستاۋلار قازاقستاندىقتاردىڭ جاسامپازدىعى مەن ولاردى بىرىكتىرۋگە ارنالعان، ونى ارقايسىمىز بىلەمىز. سوندىقتان مەن ءوز ەلىمنىڭ بولاشاعى ءۇشىن جاسامپازدىق جولعا ءتۇسۋ ماقساتىندا نۇروتاندىقتاردىڭ قاتارىندا بولۋدى شەشتىم»، – دەپ ءبولىستى ءوز ويىمەن ءانشى.

پارتياعا ەلدىڭ بارلىق ايماقتارىندا 1258 ادام جاڭا ۇلگىدەگى پارتيالىق بيلەتتەردى العان. بۇگىندە پارتيانىڭ 860 مىڭنان استام مۇشەسى بار.

اباي-اقپارات