اتىراۋ وبلىسى قۇرمانعازى اۋداندىق سوتىنىڭ قاۋلىسىمەن كىسى توناپ، ەر ادامعا قاتىستى ناپسىقۇمارلىق پيعىلىن جۇزەگە اسىرماق بولعان ن. ۋ-عا قاتىستى ەكى اي مەرزىمگە «كۇزەتپەن ۇستاۋ» تۇرىندەگى بۇلتارتپاۋ شاراسىن قولدانۋعا سوت سانكتسياسى بەرىلدى، دەپ حابارلايدى قازاقپارات وبلىستىق سوتتىڭ ءباسپاسوز قىزمەتىنەن. 

الدىن-الا تەرگەۋدىڭ مالىمەتى بويىنشا، اراققا قىزارا بورتكەن ن.ۋ تۇنگى ساعات ءتورت شاماسىندا ءوز جونىمەن كەتىپ بارا جاتقان جىگىتكە سوقتىعىپ، اۋەلى «نوكيا» ۇيالى تەلەفونىن تارتىپ الادى دا ، ودان كەيىن ونى ۇرىپ-سوعىپ، وزەن جاعاسىنا اپارىپ، جىنىستىق قاتىناس جاساۋعا ماجبۇرلەيدى. ازعىندى زىميان ارەكەتىن اقىرىنا دەيىن جۇزەگە اسىرۋعا جاقىن ماڭنان ءوتىپ بارا جاتقان ماشينانىڭ جارىعى بوگەپ قالادى. ول وقيعا بولعان جەردەي بوي تاسالاعان.

كۇدىكتىگە قاتىستى قازاقستان رەسپۋبليكاسى قىلمىستىق كودەكسىنىڭ 191-بابىنىڭ 2-بوىگىنىڭ 1) تارماعىمەن جانە 24 بابىنىڭ 3-بولىگىنىڭ ، 121 بابىنىڭ 2-بولىگىنىڭ 2) تارماعى بويىنشا قىلمىستىق ءىس قوزعالدى.

اباي-اقپارات