قىتايدا قازاقتىڭ ۇلى اقىنى اباي قۇنانباەۆتىڭ تۋعانىنا 170 جىل تولۋىنا ارنالعان شارالار ءوتتى. بۇل تۋرالى «24-ارنا» حابارلادى. بەيجىڭدە العاش رەت وتكىزىلىپ وتىرعان اباي وقۋلارىنا تانىمال رەسەيلىك جانە قازاقستاندىق جازۋشىلار جانە استانادا تۇراتىن قازاق دياسپوراسىنىڭ وكىلدەرى قاتىسقان. الدىمەن چاوياڭ ساياباعىندا ورنالاسقان اقىن ەسكەرتكىشىنە گۇل شوقتارى قويىلدى. سودان كەيىن شارا «اباي وقۋلارىمەن جالعاستى.

قازاقستاندىق ستۋدەنتتەر، جەرگىلىكتى قازاقتار، قارا ءسوزدىڭ مايىن تامىزىپ، اقىننىڭ ولەڭدەرىن ناقىشىنا كەلتىرىپ وقىدى. ابايدىڭ شىعارمالارىن قىتايشاعا اۋدارىپ بىرنەشە كىتاپ شىعارعان جازۋشى، سىبە ۇلتىنىڭ وكىلى قاباي اقساقال:

 «اباي اتامىزدىڭ «ادامزاتتىڭ ءبارىن ءسۇي باۋىرىم دەپ» دەگەن ۇلاعاتتى ءسوزى الەم حالىقتارىن ىنتىماققا دوستىققا شاقىراتىن ۇلى ءسوز»، - دەپ اتاپ ءوتتى.

اباي-اقپارات