پارلامەنت سەناتىنىڭ دەپۋتاتى بەكتاس بەكنازاروۆ جازالاردىڭ ءبىر ءتۇرى رەتىندە كەبىر مەملەكەتتەردە قولدانىلاتىن مەديتسينالىق جانە حيميالىق جولمەن ءپىشتىرۋ ءادىسىن ەنگىزۋ قاجەت دەپ ەسەپتەيدى. Nur.kz-ءتىڭ جازۋىنشا، سەناتور پەدوفيلدەرگە قاتىستى جاۋاپتىلىقتى كۇشەيتىپ، تاراپتاردىڭ جاراسۋىنا بايلانىستى قىلمىستىق ءىستى توقتاتۋ ينستيتۋتىن قايتا قاراۋدى ۇسىندى.

«قىلمىستىڭ وسى تۇرىنە قارسى قاتاڭ جانە تۇبەگەيلى شارالار قابىلداۋ قاجەت. ءبىرىنشى، وسى قىلمىستىڭ جولىن كەسەتىن باستى كەدەرگى جىنىستىق زورلىققا قولدانىلاتىن جازا بويىنشا زاڭ تالابىنىڭ كۇشەيۋى. وعان كامەلەتكە تولماعاندارعا قاتىستى زورلىق ارەكەتتەر دە جاتادى. قىلمىستىق كودەكستىڭ بۇل بولىمدەرىن قايتا قاراپ، كىنالىلەرگە قولدانىلاتىن جازانى ەداۋىر اۋىرلاتۋ قاجەت. وسىعان بايلانىستى ۇكىمەت زاڭ نورمالارىنا وزگەرىستەر ەنگىزىپ، پارلامەنتتىڭ قاراۋىنا ۇسىنۋى ءتيىس»،- دەگەن بەكنازاروۆ پالاتانىڭ جالپى وتىرىسىندا.

ەستەرىڭىزگە سالاتىن بولساق، سوڭعى كەزدەرى ەل اۋماعىنداعى باق بەتىندە پەدوفيلدىك قىلمىس تۋرالى اقپارات ءجيى جازىلىپ ءجۇر. بۇل ەلدە بۇنداي قىلمىستىڭ ايتارلىقتاي ارتقانىن كورسەتەدى. عالىمدار بۇنداي اۋرۋمەن اۋىراتىن ازعىنداردىڭ ەشقاشان ساۋىقپايتىنىن دالەلدەگەن ەدى.

اباي-اقپارات