ادىلبەك جاقسىبەكوۆ تمد ءىرى قالالارى مەن ەلوردالارى حالىقارالىق اسسامبلەياسىنىڭ ۆيتسە-پرەزيدەنتى بولىپ تاعايىندالدى. بۇل تۋرالى Tengrinews.kz استانا اكىمدىگىنىڭ ءباسپاسوز قىزمەتىنە سىلتەمە جاساپ حابارلادى.

ءباسپاسوز قىزمەتىنىڭ مالىمەتىنشە، استانا اكىمى جاقسىبەكوۆكە ماسكەۋدەن تمد ەلوردالارى مەن ءىرى قالالارى حالىقارالىق اسسامبلەياسىنىڭ باس ديرەكتورى سەليۆانوۆتىڭ اتىنان جەدەلحات كەلىپ تۇسكەن. جەدەلحاتتا حالىقارالىق اسسامبلەيانىڭ ءححىىى سەسسياسىنىڭ شەشىمىمەن ادىلبەك رىسكەلدىۇلى جاقسىبەكوۆ وسى ۇيىمنىڭ ۆيتسە-پرەزيدەنتى بولىپ تاعايىندالعانى تۋرالى ايتىلعان. سوعان وراي، اتالعان ۇيىمنىڭ باس ديرەكتورى استانا اكىمىن اسسامبلەيا اتىنان وسى وقيعامەن قۇتتىقتاپ، ناتيجەلى ىنتىماقتاستىق پەن حالىقارالىق اسسامبلەيادا جانە قازاقستان استاناسى مەن ءىرى قالالارىنا لايىقتى وكىلدىك ەتەتىنىنە سەنىمىن ءبىلدىرىپتى.

ەسكە سالا كەتەيىك، 2015 جىلدىڭ 10 ماۋسىمىندا مەملەكەت باسشىسىنىڭ وكىمىمەن استانا قالاسىنىڭ اكىمى ادىلبەك جاقسىبەكوۆ "استانا ەكسپو - 2017" ۇلتتىق كومپانياسى" اكتسيونەرلىك قوعامىنىڭ باسقارما توراعاسى قىزمەتىنە دە تاعايىندالىپ ەدى.

اباي-اقپارات