كىتاپحانا ديرەكتورى ەكسترەميزممەن ايىپتالدى
بۇگىن ماسكەۋ سوتى ۋكراين كىتاپحاناسىنىڭ ديرەكتورى ناتاليا شارينانىڭ شەكتەۋ شاراسىن قارايدى. سوتقا سونىمەن بىرگە كىتاپحانانىڭ بىرنەشە قىزمەتكەرىن دە سۇراۋ الۋعا شاقىرعان.
تەرگەۋ كوميتەتىنىڭ وكىلى ۆلاديمير ماركين بەيسەنبى كۇنى شاريناعا ۇلتتى جەككورۋشىلىك بەلگىسى بويىنشا قىلمىستىق ءىس قوزعاۋ جونىندە سوتتان سۇرايتىندىقتارىن ايتقان بولاتىن. ەگەر سوت بۇل ايىپتى قاناعاتتاندىرسا، شارينان بەس جىلعا باس بوستاندىعىنان ايىرىلۋى مۇمكىن.
رەسەيلىك پەن-ورتالىعى بۇل وقيعانى ايىپتاپ، كىتاپحانا قىزمەتكەرلەرىن قۋدالاۋدى توقتاتۋعا شاقىردى. ولار مۇنى ساياسي قۋعىنداۋدىڭ ءبىر ءتۇرى دەپ ەسەپتەيدى.
اباي-اقپارات
