قوعامدىق ماسەلەلەر مەن ساياساتتى بىلاي ىسىرىپ قويعاننىڭ وزىندە بۇقارالىق اقپارات قۇرالدارىنىڭ باستى تاقىرىبى قازاقستاندىق بوكسشى گەننادي گولوۆكيننىڭ كەزەكتى جەڭىسى بولعانى جاسىرىن ەمەس. قازاقستاندىق جانە الەمدىك ساراپشىلار ءبىر اۋىزدان گەناديدىڭ كەزەكتى جەڭىسىنە كۋا بولاتىندىقتارىن الدىن الا ايتقانىمەن، پىكىرى الۋاندىعى بولعانى دا راس.

وسى ۋاقىتقا دەيىن گەنناديدى جەڭۋگە بىلەك سىبانىپ كىم كەلمەدى؟! ءتىپتى، ول تۋرالى ميفتىك اڭىزدار تارادى. «نوكاۋت پاتشاسى» دەپ دە اتادى. ءيا، جەكسەنبى كۇنى قازاقستاندىق بوكسشى گەننادي ءوزىنىڭ 34- جەڭىسىنە قول جەتكىزدى.

گەنناديدى الەم مويىنداعانى دا جاسىرىن ەمەس. الايدا گولوۆكيننىڭ وسى جولعى جەڭىسى ساراپشىلاردىڭ كۇمانىن تۋدىرعان كورىنەدى. كەيبىر ساراپشىلاردىڭ پىكىرىنشە، تورەشى جەكپە-جەكتى ەرتە اياقتاعان. گولوۆكيننىڭ قارسىلاسى دا وسىل ەمەس-ءتىن. ول ءوزىنىڭ 34 كەزدەسۋىندە 31 رەت نوكاۋتپەن جەڭىپ، تەك 2 قارسىلاسىنا ەسە جىبەرگەن.

سونداي-اق، ساراپشىلاردىڭ ەكىنشى توبى، گولوۆكيننىڭ قارسىلاسى جەكپە-جەكتى جالعاستىرۋعا قاۋقارسىز دەپ باعالايدى.

دەسە دە، الەمدىك دەڭگەيدەگى فۋتبول جۇلدىزى – كريشتيانۋ رونالدو قازاقستاندىق بوكسشىنىڭ جەڭىسىنەن كەيىن «ينستاگرامم» الەۋمەتتىك جەلىسىندەگى جەكە پاراقشاسىنا جىلى لەبىز بىلدىرگەن.

ال قازاقستاندىق ساياساتكەر عاني قاسىموۆ ءوزىنىڭ الەۋمەتتىك جەلىسىندەگى پاراقشاسىندا قر پرەزيدەنتى نۇرسۇلتان نازارباەۆتىڭ اتىنا، سالاۋاتتى ءومىر سالتىن ناسيحاتتاۋعا قوسقان ۇلەسى جانە قازاقستاننىڭ اتىن كۇللى الەمگە پاش ەتىپ جۇرگەنى ءۇشىن بوكسشى گەننادي گولوۆكينگە «حالىق قاھارمانى» اتاعىن بەرۋدى ۇسىنعان.

دەسە دە قازاقستاندىقتاردىڭ بارلىعى دەرلىك، ساياساتكەردىڭ پىكىرىمەن كەلىسە بەرمەيدى. مىسالى، قوعامدىق بەلسەندى مۇرات تەلىبەكوۆ مىرزا، گەنناديدى ساياسي سپەكتاكلدىڭ قۇربانى دەپ ەسەپتەيدى.

مۇرات تەلىبەكوۆ:

- قازاقستاندىق گولوۆكيننىڭ كەزەكتى جەڭىسى. قازاق عالامتور قولدانۋشىلارى شۋلاپ جاتىر. قىزىق، ال الگى بوكسشىمىزدىڭ ءوزى وزىنەن الدەقايدا وسال قارسىلاستاردى عانا سۇلاتىپ جۇرگەنىنە ۇيالماي ما ەكەن؟ ونىڭ ۇستىنە، بۇل جارناما، پيار... بىرنەشە جىلدان بەرى جالعاسىپ كەلە جاتقان سپەكتاكلدەن گولوۆكين جالىقپادى ما؟ الدە، ونىڭ ناعىز جەكپە-جەككە شىققىسى كەلمەي مە؟

بىزدىكىلەر، گولوۆكينەن بوكستىڭ يكوناسىن جاساپ شىعاردى. ول ەندى قازاقستاننىڭ تولقۇجاتى سەكىلدى. ەندى ول بىردە-ءبىر قارسىلاسىنا جەڭىلمەيدى. وعان قۇقىسى دا جوق. قىزىعى سول، ول بۇل ءرولدى قانشا ۋاقىت ويناي الادى ەكەن؟ الدە، ءبىر كەزدە شىدامى تاۋسىلا ما؟

نۇرگەلدى ابدىعانيۇلى

Abai.kz