وتكەندە ءبىر ورىس ءتىلىن وقىتۋ تۋرالى عىلىمي جيىنعا كىرىپ قالدىق. ءومىر بويى سول ورىس ءتىلىن وقىتىپ كەلە جاتقان، جاسى سەكسەنگە كەلگەن قازاق كەمپىر (بۇرىن كەمپىر دەگەن دورەكى ءسوز بولماعان دەسەدى) بىلاي دەدى:

"ورىس ءتىلىن، اعىلشىن ءتىلىن وقۋ كەرەك، بىراق قازاق ءتىلىن بىلمەي قالعان ادام - وتە ۇلكەن رۋحاني بايلىقتان قۇر قالادى".
شىركىن-اي، ەرتەگى تىڭداپ، جىر-داستان وقىپ وسكەنىم قانداي جاقسى بولعان دەپ ويلاپ وتىرمىن ەندى. "شىرىلداعان قازاق جانىنىڭ سۇلۋلىعىن" تۇسىنبەستەن، ءومىردىڭ ءمانىن ىزدەپ، ءپالساپا سوعىپ جۇرەر مە ەدىم... ءتىپتى، قازاقشا بىلمەيتىندەردىڭ كوبى، جانە قازاقشا بىلسە دە قازاقىلىقتان كەتكەن كوپ ادام ءتۇبى جاعدايى جاقسارسا گرينكارد جاساتىپ، قولدان كەلسە ازاماتتىعىن الىپ، جاعدايى جاقسى ءبىر ەلگە كەتىپ قالاتىنداي سەزىلە باستادى. 
وقۋعا بارعان جەرىندە تۇرمىسقا شىعىپ، قالىپ قويىپ جاتقان قىزداردىڭ وقيعاسىن ەستىگەندە، بايىعان سوڭ كوشىپ كەتىپ جاتقان، جەگەن سوڭ قاشىپ كەتىپ جاتقاندار تۋرالى اقپاراتتى ءبىلىپ العان سوڭ، اراسىندا وسىلاي ءبىر كۇي بيلەگەندە وسىنداي ويلار كەلىپ، كوپ نارسەدەن شوشي باستايدى ەكەنسىڭ...
(550 جىلدىقتى تويلاپ جاتقاندا نە ايتىپ وتىر دەمەڭىزدەر، مەن تويدىڭ 550-مەن بىتكەنىن قالامايتىن اداممىن...).

ارمان المەمبەت

Facebook-تەگى پاراقشاسىنان