«مەكتەپ» باسپاسىنان شىققان وقۋلىقتاردا قاتىستى ۋكراينا ۇكىمەتى رەسمي تۇردە قازاقستاننىڭ ءسىم مەن قر بعم-عا نارازىلىق نوتاسىن جولداعان بولاتىن. وندا كيەۆ بيلىگى قازاقستاندىق مەكتەپتەردەگى وقۋلىقتاردى قايتا جازۋدى تالاپ ەتكەن ەدى.

ءبىز اتالعان كىتاپتاردى تاۋىپ الىپ، شولۋ جاساپ كوردىك. 

"قىرىمدى رەسەيگە سىيلاعان" قازاقستاننىڭ اتى شۋلى ەكى كىتابى وسى. 

1. "قازىرگى دۇنيە ءجۇزى گەوگرافياسى" (قوعامدىق گۋمانيتارلىق باعىت). تارالىمى: 26 000 دانا.

2. "دۇنيەجۇزى تاريحى" (قوعامدىق گۋمانيتارلىق باعىت). تارالىمى: 12 000 دانا.

"دۇنيەجۇزى تاريحى". 11-سىنىپ. 160 بەت.

مۇندا نازار اۋدارارلىق ءبىر سويلەم بار. "قىرىم رەسپۋبليكاسىنىڭ ۇكىمەتى كيەۆتە بيلىكتىڭ زاڭسىز باسىپ العاندىعىنا كەلىسپەيتىنىن ءبىلدىردى جانە رەفەرەندۋم وتكىزۋ تۋرالى جاريالادى". سوندا كىتاپ اۆتورلارى الەم مويىنداعان ۋكراينانىڭ قازىرگى بيلىگىن زاڭسىز دەپ سانايدى ما؟

"دۇنيەجۇزى تاريحى". 11-سىنىپ. 364 بەت.

ءبىزدىڭ عالىمدار ءۇشىن 2014 جىلدىڭ باستى وقيعاسى قىرىمنىڭ رەسەيگە قوسىلۋى ەكەن. 2014 جىلداعى ساياسي وقيعالاردىڭ باسى قىرىمنان باستالۋى وسىنى اڭعارتسا كەرەك.

"قازىرگى دۇنيە ءجۇزى گەوگرافياسى" (قوعامدىق گۋمانيتارلىق باعىت). 11 سىنىپ. 18 بەت.

"دۇنيەجۇزى تاريحى". 11-سىنىپ. 171 بەت.

ءبىر عانا "دۇنيەجۇزى تاريحى" وقۋلىعىندا ءۇش بەتتە قىرىم وقيعاسىنا ارنايى توقتالۋ، ونى رەسەيدىكى دەپ تۇجىرىم جاساۋ نەنىڭ بەلگىسى؟. جاعىمپازدىق پا، جوق الدە رەسەي تاراپىنان ارنايى تاپسىرما بولدى ما؟ 

اتالعان شۋلى "قازىرگى دۇنيە ءجۇزى گەوگرافياسى" وقۋلىعىنىڭ اۆتورلارى: ە.احمەتوۆ، ت.ۋۆاليەۆ، ق.احمەتوۆ.

اتالعان شۋلى "دۇنيەجۇزى تاريحى" وقۋلىعىنىڭ اۆتورلارى: ت.س.سادىقوۆ، ر.ر.قايىربەكوۆا، س.ۆ.تيمچەنكو.

اتالعان وقۋلىقتارداعى «قىرىمنىڭ رەسەي تەرريتورياسى» دەپ كورسەتىلۋىنە قاتىستى قر بعم ءباسپاسوز حاتشىسى الىبەك شوقپاروۆ "گوۆاريت موسكۆا" راديوسى ارقىلى تۇسىنىكتەمە بەرىپ، قىرىمنىڭ رەسەي قۇرامىندا كورسەتىلۋىنە قاتىستى اقپاراتتار ارنايى ساراپتامادان وتكىزىلگەنىن ايتقان. 

 «قازاقستانداعى جالپى ءبىلىم بەرۋ مەكەمەلەرىنە ازىرلەنەتىن وقۋلىقتار ارنايى ساراپتامادان، كوميسسيادان وتكىزىلەدى. اتالمىش وقۋلىقتار دا تيىسىنشە، وسىنداي كوميسسيانىڭ قاراۋىنان وتكەن بولاتىن. بۇل كوميسسيا مەملەكەتتىك ءبىلىم بەرۋ ستاندارتتارىنا  سايكەستەندىرىلدى، ارنايى قۇجاتتارى دا بار. قر بعم تاراپىنان بەكىتىلگەن»، - دەيدى شوقپاروۆ مىرزا.

الەمنىڭ الپاۋىت ەلدەرى قىرىمنىڭ رەسەي قۇرامىنا قوسىلۋىن زاڭسىز دەپ تانىپ وتىر. ەلباسىمىز نۇرسۇلتان نازارباەۆتىڭ ءوزى "قىرىمنىڭ رەسەيگە قوسىلعانىن قولدايتىنىن" ايتىپ، رەسمي تۇردە مالىمدەمە جاساعان جوق. ءدال وسىنداي الماعايىپ كەزەڭدە ءبىلىم مينيسترلىگىنىڭ مىنا قىلىعىنا نە دەپ جاۋاپ بەرۋگە بولادى. ۇزىن ىرعاسى 38 000 تارالىم كىتاپقا قانشا قارجى جۇمسالدى؟ مەملەكەتتىڭ ابىرويى اقشامەن ولشەنبەيتىنى تاعى بار. وقۋلىقتاعى وزگە دە كەمشىلىكتەردى جىلدار بويى تۇزەتە الماي جۇرگەن مينيسترلىكتىڭ ابجىلدىگىنە تاڭ قالماسقا شارا جوق. جاعىمپازدانۋدىڭ دا شەگى بار ەمەس پە؟ ءسىز نە دەيسىز؟

ءشارىپحان قايسار

Abai.kz