ول بويىنشا، 2011 جىلى جەلتوقساندا قازاقستاننىڭ باتىسىنداعى جاڭاوزەندەگى شەرۋشىلەرگە وق اتۋعا قاتىسى بولعانداردىڭ جەكە باسىنا سانكتسيا قولدانۋدى ۇسىنادى.

4 جىل بۇرىن، جەلتوقساننىڭ 17-دە، ماڭعىستاۋ وبلىسىنىڭ جاڭاوزەن قالاسىندا پوليتسيا ەرەۋىلدەگى مۇنايشىلاردى قولداعان شەرۋشىلەرگە قارسى وق اتتى. رەسمي دەرەك بويىنشا، 16 ادام ءولىپ، جۇزدەن استامى جارالاندى.

«جاپپاي تارتىپسىزدىكتەر ۇيىمداستىردى جانە وعان قاتىستى» دەگەن ايىپپەن 17 ادام سوتتالدى، تاعى 16 ادام شارتتى جازا الدى. سوتتالۋشىلار تەرگەۋ بارىسىندا وزدەرىن ازاپتاعانى جانە قىسىم كورسەتىلگەنى تۋرالى ايتتى. 2014 جىلدىڭ سوڭىندا مۇنايشىلار ەرەۋىلىنىڭ جەتەكشىلەرىنىڭ ءبىرى روزا تولەتاەۆا بوساتىلدى، ال 2015 جىلى تۇرمەدەن باسقا مۇنايشىلار بوساپ شىقتى.

«جاڭاوزەن ءىسى» بويىنشا سوڭعى تۇرمە تۇتقىنى رەتىندە «الەۋمەتتىك ارازدىق تۋدىردى»، «كونستيتۋتسيالىق قۇرىلىستى كۇشپەن قۇلاتۋعا شاقىردى» جانە «قىلمىستىق ۇيىم قۇردى» دەگەن باپتارمەن 7 جارىم جىلعا سوتتالعان وپپوزيتسيالىق ساياساتكەر ۆلاديمير كوزلوۆتىڭ ەسىمى اتالادى. جەلتوقساننىڭ 8-دە كوزلوۆتىڭ شارتتى تۇردە مەرزىمىنەن بۇرىن بوساۋ تۋرالى ءوتىنىشى قابىلدانبادى.

قازاقستان بيلىگى جاڭاوزەندەگى وقيعالار جان-جاقتى، شىنايى تۇردە تەرگەپ-تەكسەرىلدى دەپ سانايدى.

اباي-اقپارات