بەكنازار شوەۆتىڭ ايتۋىنشا، قۇقىق قورعاۋ قىزمەتكەرلەرى تاجىكستاندا تيىم سالىنعان پارتيانىڭ جەتەكشىسى مۋحيددين كابيريدىڭ تۋىستارىن، ونىڭ ىشىندە 95 جاستاعى اكەسىن «بالاسىنا اقىل ايتۋىن سۇراۋ ءۇشىن» اڭگىمەگە شاقىرعان.

كابيريدىڭ جاقىندارى جەلتوقساننىڭ 15-دە ءتارتىپ ساقشىلارىنىڭ تيىم سالىنعان پارتيا باسشىسىنىڭ كوپتەگەن تۋىسىن ۇستاپ، تەرگەگەنىن جانە تەرگەۋ بارىسىن ۆيدەوعا تۇسىرگەندەرىن ايتتى.

شەتەلدە تۇرىپ جاتقان مۋحيددين كابيري وسى شارا ارقىلى بيلىك، ءوزىن ۆاشينگتوندا وتەتىن كەزدەسۋدە ادام قۇقىقتارىنا قاتىستى جاعدايدى تالقىلاۋدان باس تارتۋىنا ماجبۇرلەگىسى كەلەتىنىن مالىمدەدى.

تاجىكستاننىڭ جوعارعى سوتى بۇرىنعى قورعانىس ءمينيسترىنىڭ ورىنباسارى ادۋحاليم نازارزودانىڭ بۇلىگىنەن كەيىن، «تاجىكستاننىڭ يسلامدىق قايتا وركەندەۋ پارتياسىن» تەررورلىق دەپ تانىپ، ەل اۋماعىنداعى قىزمەتىنە تيىم سالدى.

اباي-اقپارات