توڭدىردى مەنى 
توڭدىردى سەنى 
جەلتوقسان جەلى ىزعارلى.

16-17 جەلتوقساندى قارالى كۇن دەپ جاريالاپ، بۇل كۇنى مەملەكەتتىك تۋدى تومەن ءتۇسىرىپ، كوتەرىلىستە قازا تاپقان بوزداقتارعا قۇران باعىشتاپ ەسكە الۋىمىز كەرەك. قالايشا قان توگىلگەن كۇندى جايباراقات تويلاپ وتكىزەمىز.

تاۋەلسىزدىك كۇنى مەن جەلتوقسان ەكى ءتۇرلى ۇعىم. جەلتوقسان كوتەرىلىسى - مەنىڭ جۇرەگىمدە جىبىمەس شەر بولىپ ساقتالىپ تۇر. قارعىس اتقىر كەلىمسەكتەر قازاعىمنىڭ قىز-جىگىتتەرىن قىناداي قىرىپ، قانىن سۋداي اعىزىپ، قىزداردى شاشتان سۇيرەپ مۇزعا ءتىرى جالاڭاش جاتقىزعان، ەركەكتەردى قويداي ساباپ، گۇرزى ەتىكپەن يتشە تەپكىلەپ تاستاعان كۇندى قالاي عانا تۇك بولماعانداي شاد-شادىمان بولىپ وتكىزەمىز. تاۋەلسىزدىك كۇنى دەپ تويلاپ، ويناپ جۇرۋگە ارىم جىبەرمەيدى. جەلتوقسان - قاسىرەتتى اي، ۇمىتىلماس قاندى كۇن. بۇل جەلتوقسان ءار قازاقتىڭ جۇرەگىندە وسىلاي ساقتالىپ قالۋى كەرەك. نەگىزى جەلتوقساندى تاسادا تىعىپ ۇستاماي بۇكىل حالىق بولىپ اقيقاتىن اشىپ تاستايتىن كەز كەلدى. شىندىقپەن بەتپە-بەت جۇزدەسەتىن كەز-كەلدى. جەلتوقساندا قازا تاپقان بوزداقتاردىڭ ارۋاعىن سىيلاپ، ەل بولىپ ازا تۇتىپ ەسكە الايىقشى...

بەگلان شارىنباي

Facebook-تەگى پاراقشاسىنان