بۇل تۋرالى ورتالىق سايلاۋ كوميسسياسىنىڭ مۇشەسى راشيد بەكباساروۆ حابارلادى.

ونىڭ سوزىنشە، ساماتوۆ بولوتبەك يبرايمجانوۆتىڭ ورنىنا پارلامەنت دەپۋتاتى بولدى.

بۇعان دەيىن، بىشكەك قالاسىنىڭ پەرۆوماي اۋداندىق سوتى ورتالىق سايلاۋ كوميسسياسىنا جىرعالبەك ساماتوۆتىڭ ماندات الۋعا قۇقىعى تۋرالى تالابىن قاراۋدى مىندەتتەگەن ەدى. بۇدان بولەك، جوعارعى سوت دەپۋتاتتىققا ۇمىتكەر رەسەي ازاماتى ەمەس دەگەن شەشىم شىعاردى، مۇنى رەسەيدىڭ فمق جولدانعان سۇراۋ سالۋعا قايتارىلعان جاۋاپ دالەلدەگەن.

بۇعان دەيىن، وسك مۇشەلەرى قر جس تالابىن ورىنداۋدان باس تارتىپ كەلگەن ەدى. ولار جىرعالبەك ساماتوۆتان رەسەي ازاماتى ەمەستىگىن راستايتىن انىقتاما الۋ ءۇشىن جولداعان ءوتىنىشىنىڭ كوشىرمەسىن تالاپ ەتكەن بولاتىن.

قوس ازاماتتىق تۋرالى داۋدىڭ كەسىرىنەن ول كەزىندە دەپۋتاتقا ۇمىتكەرلەر تىزىمىنەن سىزىلىپ تاستالعان ەدى.