ءبىر جاس جىگىت بانككە كەلىپ نەبارى 100 مىڭ تەڭگە قارىز سۇرايدى. بانك كەپىلدىك تالاپ ەتەدى. جىگىت "لەكسۋس 570" كولىگىن قالدىرادى.

بانكيرلەر تاڭدانىپ، ونىڭ قىمبات كولىگىن گاراجدارىنا سەنىمدى تۇردە ساقتايدى. ءبىر ايدان سوڭ الگى جىگىت 100 مىڭ تەڭگەسىن جانە ونىڭ ءوسىمى رەتىندە 5 مىڭدى قوسا تولەپ كولىگىن الادى. بانك قىزمەتكەرلەرى اڭ-تاڭ. ءبىر بانكير شىداماي ونى اڭگىمەگە تارتادى:
- بولماشى اقشاعا بولا نەسىنە وسىنشاما قىمبات زات قالدىردىڭ؟ تىم ءبىرتۇرلى ەكەنسىڭ. شىنىندا سەنى ءبىز ازداپ "نەلەۋ" مە ويلاپ قالدىق – دەسە، انا جىگىت كۇلىپ، بىلاي دەيتىن كورىنەدى: 
- مەنى جىندى دەپ ويلاعان شىعارسىزدار. بىراق، كىمنىڭ جىندى بولىپ قالعانىن ەندى انىقتايىق. مەن قىس ىشىندە اياق استىنان شىعىس ازيا ەلدەرىنە ءبىر ايعا جولداما الدىم. كولىگىمدى جىلى گاراجدارعا قويىپ كەتپەك بولىپ ەدىم، قالادا جالداۋدىڭ قۇنىنا از دەگەندە 45-50 مىڭداي تەڭگە شىعىندايدى ەكەنمىن. ونىڭ وزىندە سەنىم جوق قوي. سوسىن، ءسىزدىڭ بانكتى تاڭدادىم. مىنە، 5-اق مىڭ تەڭگەگە مەنىڭ كولىگىمدى سىزدەر ءبىر اي بويى تيىسپەي ساقتاپ، كۇزەتتىڭىزدەر. كوپ راحمەت!

قۋاندىق شاماحاي

Facebook-تەگى پاراقشاسىنان