سايرام اۋدانىنداعى بابىر اتىنداعى جالپى ورتا مەكتەپتىڭ اكت زالىندا ءتاريفتى جانە ءتاريفتى ەمەس سمەتالاردىڭ جوباسىن تالقىلاۋدىڭ جاريا تىڭداۋى ءوتتى.

وعان قر ۇلتتىق ەكونوميكا مينيسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ وڭتۇستىك قازاقستان وبلىسى بويىنشا دەپارتامەنت باسشىسىنىڭ ورىنباسارى ش.ۇسەنوۆ، اۋدان اكىمىنىڭ ورىنباسارى ە.شارىپبەكوۆ، تۇرعىن – ءۇي كوممۋنالدىق شارۋاشىلىق ءبولىمىنىڭ باسشىسى ب.پولاتوۆ، ءماسليحات حاتشىسىنىڭ مىندەتىن اتقارۋشى ى.قۇربانوۆ، «سايرام تازالىق» جشس-ءنىڭ ديرەكتورى م.ورازباەۆ قاتىستى. م.ورازباەۆ ءتاريفتى قاراۋدىڭ اشىقتىعىن جانە  جاريالىعىن قامتاماسىز ەتۋ ماقساتىندا تۇتىنۋشىلاردى تاريف جوباسىمەن، تاريفتىك سمەتاداعى بارلىق باپتارمەن  قاراستىرىلعان شىعىندارمەن تانىستىرىلدى. جيىن بارىسىندا تۇرعىنداردىڭ وي-پىكىرلەرى تىڭدالدى. سونداي-اق، اۋىز سۋدىڭ ساپاسىن ارتتىرۋ جونىندە ۇسىنىستار ايتىلدى.

سونداي-اق بۇگىن سايرام اۋدانىنا قاراستى «نۇر وتان» پارتياسى اۋداندىق فيليالىنىڭ ءماجىلىس زالىندا پارتيانىڭ اۋداندىق فيليالى ساياسي كەڭەسى بيۋروسىنىڭ كەڭەيتىلگەن ءماجىلىسى ءوتتى. ماجىلىستە سايرام اۋدانى بويىنشا «نۇرلى جول» ينفراقۇرىلىمدى دامىتۋدىڭ 2015-2019 جىلدارعا ارنالعان مەملەكەتتىك باعدارلاماسىن ىسكە اسىرۋعا قازاقستان رەسپۋبليكاسىنىڭ ۇلتتىق قورىنان بولىنەتىن قاراجاتتىڭ ماقساتتى جانە ءتيىمدى جۇمسالۋىنا باقىلاۋ جۇرگىزۋ تۋرالى اۋداندىق قۇرىلىس ءبولىمىنىڭ باسشىسى ءۇ.سەرباەۆ، «نۇرلى جول» باعدارلاماسىن ىسكە اسىرۋ بويىنشا فراكتسيا جانىنان قۇرىلعان كوميسسيا باسشىسى م.سيدديكوۆ حابارلاما جاسادى. كەڭەيتىلگەن ماجىلىستە «مانكەنت» شيپاجايى جانە «تەمىرتاس» باستاۋىش پارتيا ۇيىمدارىن قۇرۋ تۋرالى ماسەلە قارالدى.

سونىمەن قاتار، بۇگىن سايرام اۋدانىنا قاراستى «نۇر وتان» پارتياسى اۋداندىق فيليالىندا «جۇمىسپەن قامتۋ – 2020» باعدارلاماسىن جۇزەگە اسىرۋ اياسىندا ازاماتتاردىڭ بىرىڭعاي «اشىق ەسىك كۇنى» ءوتتى. كومەككە مۇقتاج جانداردىڭ ماسەلەسىن تىڭداۋعا اۋداندىق پروكۋراتۋرا مەن سوت وكىلدەرى، ىشكى ىستەر باسقارماسىنىڭ قىزمەتكەرلەرى، اۋداندىق ءماسليحات دەپۋتاتتارى مەن ءبولىم باسشىلارى قاتىستى. ءوتىنىش، مۇڭىن ايتۋعا كەلگەندەردىڭ كوبىسى جۇمىسقا ورنالاسۋ، تۇرعىن ءۇي سالۋعا جەر ۋچاسكەسى تۋرالى وتىنىشتەرىن ءبىلدىردى. سونىمەن قاتار اليمەنت وندىرە الماي جۇرگەندەردە ءوز پروبلەمالىق ماسەلەلەرىنىڭ شەشۋ جولدارىنا كومەك سۇرادى. ماسەلەنىڭ مانىسىنە قانىققان مەملەكەتتىك قىزمسەتكەرلەر قابىلداۋعا كەلگەن 18 ازاماتتىڭ وتىنىشتەرىنە كومەكتەسۋ ءۇشىن ءتيىستى ورىندارعا حات جولدانعانىن ايتتى.

اباي-اقپارات