استانا قالاسىندا تاۋەلسىزدىگىمىزدىڭ 25 جىلدىعىنا جانە 1 مامىر قازاقستان بىرلىگى كۇنىنە وراي «KATEV» حالىقارالىق قوعامدىق قورى قر ءبىلىم جانە عىلىم مينيسترلىگى جانە قازاقستان حالقى اسسامبلەياسىمەن بىرگە «جارقىن بولاشاق» دەگەن اتاۋمەن حالىقارالىق ءتىل جانە مادەنيەت فەستيۆالىن وتكىزدى. بۇل فەستيۆالدى بۇعان دەيىن «KATEV» حالىقارالىق قوعامدىق قورى رەسپۋبليكالىق قازاق ءتىلى وليمپياداسى رەتىندە ۇيىمداستىرىپ كەلگەن بولاتىن. بيىلعى شارا جىلداعىدان وزگەشە بولدى. قازاقستان رەسپۋبليكاسىنىڭ 25 جىلدىعىنا وراي 25 ەلدەن وقۋشىلار شاقىرىلىپ، سول جاس ورەندەر استانا تورىنەن ءوز ونەرلەرىن كورسەتتى.

فەستيۆال اياسىندا وتكەن كونتسەرتتىڭ شىمىلدىعى افريكا قۇرلىعىنان كەلگەن فول مبەگي مەن قازاقستاندىق ەرلان ابدىحالىقتىڭ ورىنداۋىنداعىء "ۇش قوڭىر" انىمەن اشىلدى.  

سەنەگالدىق فول مبەگيگە بۇل ءاندى ەلىمىزدەگى قازاق-تۇرىك ليتسەيىندە بىرنەشە جىل قىزمەت ەتكەن تۇرىك ازاماتى ۇيرەتكەن كورىنەدى. 

وسىلاي باستالعان كونتسەرتتە ءار ەلدەن كەلگەن جاسوسپىرىمدەر بار ونەرىن سالىپ، استانا جۇرتشىلىعىن سەرپىلتۋگە تىرىستى. الماتىدا وتكەن رەسپۋبليكالىق «جارقىن بولاشاق» قازاق ءتىلى وليمپياداسىندا ءى-ءشى ورىن يەگەرى دينا مۋراشەۆا "دات"پوەماسىنان ءۇزىندى وقىپ، ەلدىڭ ىستىق ىقىلاسىنا بولەندى. 

بەلگىلى ءانشى يبراگيم ەسكەندىر جانە 8-ءشى رەسپۋبليكالىق «جارقىن بولاشاق» قازاق ءتىلى وليمپياداسىنىڭ ء«انشى بۇلبۇلدار» نوميناتسياسىنىڭ گران-پري يەگەرى جاڭاباەۆ ابزال مەن ۋگاندادان كەلگەن بيرۋماسۋ رودجەرس بىرىگىپ ايتقان قازاق ءانى زال تولى جۇرتشىلىقتىڭ زور قوشەمەتىنە يە بولدى.

وسىنداي اسەرلى ساتتەرى كوپ كەشتى قورتىندىلاۋ بارىسىندا شارانى ۇيىمداستىرۋشى  «KATEV» حالىقارالىق قوعامدىق قورىنىڭ پرەزيدەنتى دارحان وتە ءبىراز ءسۇيىنشى حابارلاردى قالىڭ جۇرتشىلىققا جەتكىزدى

بيىل «جارقىن بولاشاق» وليمپياداسىنىڭ 42 جۇلدەگەرىنە ەلىمىزدىڭ جوعارى وقۋ ورىندارىنىڭ ءبىلىم گرانتتارى بەرىلىپتى. 

«ەلباسى نۇرسۇلتان نازارباەۆتىڭ «قازاق ءتىلى عاجاپ ءتىل، تەك ءبىز ونى ناسيحاتتاي ءبىلۋىمىز كەرەك»، دەگەن ءسوزىن تۋ ەتىپ، جىل سايىن «جارقىن بولاشاق» قازاق ءتىلى وليمپياداسى ءوتىپ كەلەدى. بۇل وليمپيادانى وتكىزۋدەگى باستى ماقسات — مەملەكەتتىڭ مارتەبەسىن كوتەرۋ، قازاق جانە وزگە ۇلت وكىلدەرىنىڭ قازاق تىلىنە دەگەن قىزىعۋشىلىعىن ارتتىرۋ، ولارعا ۇلتتىق قۇندىلىقتارىمىزدى، سالت-ءداستۇرىمىزدى، تاريحىمىزدى بويىنا ءسىڭىرۋ ارقىلى «ماڭگىلىك ەل» جالپىۇلتتىق يدەياسىن جۇزەگە اسىرۋ بولىپ تابىلادى»، — دەدى ول.

دارحان وتەنىڭ ايتۋىنشا بيىل 8-ءشى رەت وتكىزىلگەن «جارقىن بولاشاق» قازاق ءتىلى وليمپياداسىنا ەلىمىزدىڭ تۇپكىر-تۇپكىرىنەن 5 مىڭعا جۋىق دارىندى جاستار قاتىسىپ، 172-ءسى جەڭىمپاز اتانعان جانە ولاردىڭ 42-سىنە جوعارى وقۋ ورىندارىنىڭ ءبىلىم گرانتتارى تابىستالعان.

«وسى جولى وليمپياداعا ءبىرىنشى رەت قىرعىزستان، وزبەكستان، موڭعوليا جانە التاي ولكەلەرىنەن كەلگەن قانداستارىمىز قاتىستى. كىندىك قانى تامعان جەرگە كەلگەن بىرقاتار قازاق بالاسىنا دا جوعارى وقۋ ورىندارىنىڭ گرانتتارى ءبولىنىپ، ولارعا اتاجۇرتىندا ءبىلىم الۋعا جاعداي جاسالدى»، — دەدى د.وتە.

وسىلايشا «KATEV» حالىقارالىق قوعامدىق قورى شەتەلدەگى قازاق قانداستارىمىزدىڭ ەلىمىزدە ءبىلىم الۋىنا جاعداي جاساپ جاتقانى ايتىلدى. ۇيىمداستىرۋشىلار شەتەلدەگى قازاق بالالارىنا اتا-بابالارىنىڭ كىندىك قانى تامعان جەرىنىڭ اسەمدىگىن كورسەتىپ، ولاردىڭ ەلجاندىلىق سەزىمدەرىنىڭ ويانۋىنا مۇمكىندىك جاساپ جاتىرمىز دەيدى.

"مۇنىڭ سىرتىندا الەم حالىقتارىنىڭ دوستىعىن نىعايتىپ، جاسوسپىرىمدەر ارقىلى قازاقستاننىڭ قانداي ەل ەكەنىن الەمگە ناسيحاتتاماقشىمىز" دەيدى ولار. 

بۇل وليمپياداعا وقىتۋ تىلىنە قاراماستان، مەملەكەتتىك جانە مەملەكەتتىك ەمەس جالپى ءبىلىم بەرەتىن مەكتەپتەردىڭ، ليتسەيلەردىڭ، گيمنازيالاردىڭ اراسىندا ەلىمىزدىڭ بارلىق وبلىستارىنان كەلگەن قازاق ءتىلى مەن ادەبيەتى بويىنشا 7-11 سىنىپ وقۋشىلارى 5 باعىت بويىنشا ء(«تىلشى-ادەبيەتشىلەر»، «جاس عالىمدار»، «جازۋشىلار»، ء«سوز شەبەرلەرى»، ء«انشى-بۇلبۇلدار»)ء بىلىمىن ساراپقا سالعان بولاتىن.

ايتا كەتۋ كەرەك،«جارقىن بولاشاق» وليمپياداسى 2008 بەرى، قازىرگە دەيىن 7 رەت رەسپۋبليكالىق دەڭگەيدە ۇيىمداستىرىلدى، جىل سايىن وعان 1000-نان استام مەكتەپ پەن 5000-نان استام وقۋشىلار قاتىسۋدا، ولاردىڭ 118-نە الدىڭعى قاتارلى جوو-دا ءبىلىم الۋلارىنا مۇمكىندىك بەرەتىن ءبىلىم گرانتتارى تابىستالعان.

Abai.kz