جاقىندا شىمكەنت قالاسىنداعى مەشىتتەردىڭ بىرىنەن مۇسىلمانداردىڭ قاسيەتتى قۇران كىتابى ۇرلاندى، - دەپ حابارلايدى وtyrar.kz.

جەرگىلىكتى باسىلىمنىن اقپاراتتارىنا سۇيەنسەك، قۇراننىڭ ۇرلانعان ءساتى تۇسىرىلگەن ۆيدەو الەۋمەتتىك جەلىدە تارادى. وقيعا ۆوروشيلوۆكا اۋىلىنداعى اكمال ساليح مەشىتىندە بولعان.

"ەر ادام مەشىتكە اسىقپاي كىرىپ، كىتاپتى الىپ، اسىقپاي شىعىپ كەتەدى. ينتەرنەت قولدانۋشىلارى ەر ادامنىڭ زالداردىڭ ورنالاسۋى مەن قاسيەتتى كىتاپتىڭ تۇراتىن جەرىن جاقسى بىلگەنىن ءوز پىكىرلەرىندە جازعان. ۇرى مەشىتتە قاي كەزدە ەشكىمنىڭ، ءتىپتى يمامنىڭ قاي كەزدە بولمايتىنىن بىلگەن سياقتى", - دەيدى باسىلىمنىڭ مالىمەتتەرىندە.

ايتا كەتەيىك، الەۋمەتتىك جەلىدە بۇل ۆيدەو ۇرىنىڭ كىم ەكەنىن انىقتاۋ ماقساتىندا تاراتىلعان. پىكىر قالدىرۋشىلاردىڭ ويى قاق جارىلدى، ولاردىڭ كەيبىرى كىتاپتى ۇرلاۋدىڭ ۇرلىققا جاتپايتىنىن جازعان. ەندى بىرەۋلەرى مۇنداي پىكىرمەن كەلىسپەيدى.

Abai.kz