ەرەجەسىز جەكپە-جەكتەن WBK تۇجىرىمى بويىنشا، قىتايدىڭ شانحاي قالاسىندا وتكەن جارىستىڭ فينالىندا رينگكە شىققان ەكى سپورتشىنىڭ سايىسى تۋرالى تورتكىل دۇنيە قىزۋ تالقى جاسادى. «قامشى» پورتالى ءتىلشىسى باسەكەگە تۇسكەن وتانداسىمىز ايبەك نۇرسەيىتپەن جولىعىپ، 5 ناۋرىزدا وتكەن جارىستاعى كوڭىل-كۇيى تۋرالى بليس-سۇحبات العان ەدى. سونداي-اق، عابيت تۇرسىنبەك تە وسى وقيعا تۋرالى ءوز ويىن ايتىپ بەردى.

ايبەك نۇرسەيىت: عابيت ەكەۋمىز جارىستا باۋىرلىقتى ءبىرىنشى قويدىق

- مەن «الەم faiters» سپورت كلۋبىندا جاتتىعامىن. قىتايدا وتكەن كەشەگى جارىس مەنىڭ كاسىپقويلار اراسىنداعى العاشقى جارىسىم، شەتەلدە دە العاشقى جارىسىم ەدى. وندا جەرەبە بارىسىندا مەن ەڭ ءبىرىنشى فرانتسۋزدىق سپورتشىمەن ميحايل (Michel) داۋبايسپەن ءتۇستىم. ال، عابيت باۋىرىمىز ۋكرايندىق سپورتشىمەن شىقتى. ءبىز فرانتسۋزدى جەڭىپ، ول ۋكرايندىق سپورتشىنى جەڭىپ، ەكەۋمىز اقتىق مارەدە كەزدەستىك. سول كەزدە كەزدەسكەندە، «سوناۋ وزگە ەلدە، قىتاي سياقتى جات جەردە ەكى قازاقتىڭ ءبىر-بىرىمەن كوزىن شىعارىپ قىرقىسقانى جىگىتتىككە ەرلىككە جاتپايدى» دەپ ويلادىم. ويتكەنى ول مەنىڭ باۋىرىم! «نەگە؟ سپورت بولعان سوڭ بولادى عوي» دەپ جاتادى كوبى. بىراق، ءوز ەلىمىزدە، قازاقستاندا تاجىريبە الماسۋ ماقساتىندا ءبىر-بىرىمىزبەن جەكپە-جەكتە بولامىز. ماسەلە كوزىن شىعارۋ، ۇرىپ-سوعۋدا ەمەس. بىراق، ءبىز ءۇشىن الىپ ايتقاندا «شەتەلدە جۇرگەن» عابيت باۋىرىمىزدىڭ دا ەلگە ورالىپ، كوك تۋدى جەلبىرەتكىسى كەلەتىنى انىق. ونىڭ دا باۋىرمال ەكەنى مەنمۇندالاپ تۇر. ءبىر-بىرىمىزگە قول جۇمساي المادىق.

وزدەرىڭىز كورگەندەي، ءبىز ەرەجەگە ساي قارسىلاسپاعان سوڭ تورەشى ەسكەرتۋ بەردى. ءسويتىپ ەكىنشى راۋندتا بىزگە قىزى كارتوشكا كورسەتىپ، جارىستان شىعارىپ تاستادى. شارشى الاڭعا شىققاندا الدىمەن مەن شىقتىم، ول دا بەكبولات اعامىزدىڭ انىمەن شىعىپ كەلە جاتقان كەزدە جۇرەگىم تەبىرەندى. باستالعان كەزدە ول دا اقىرىن ۇرادى، مەن دە نۇقىپ قويام. ءبىر-بىرىمىزگە قولىمىز باتپايدى. بۇل جارىس ەدى، ورتادا تىگىلگەن قانشاما اقشا، اتاق پەن ابىروي بەلبەۋ بار ەدى. سولاي بولسا دا ءبىز باۋىرلىقتى ءبىرىنشى قويدىق. قازاقتىڭ كىم ەكەنىن كورسىن دەدىك. الەم تانىپ، WBK ۆەرسياسىنىڭ پرەزيدەنتى دە كورىپ تاڭعالىپ جاتتى. بانكەتتە قازاق پەن قازاقتى قويمايمىز دەپ كۇلىسىپ جاتتى. قولداپ جاتقان، اق تىلەكشى بولعان بارشا وتانداستارعا، قانداستارعا العىسىمدى ايتامىن. امان بولىڭىزدار!

عابيت تۇرسىنبەك: ءبىر بەلبەۋگە بولا ەكى قازاق ءبىر-ءبىرىمىزلى ساباپ جاتقانىمىز جاراماس ەدى

مەن شىڭجاڭدا قۇلجا قالاسىندا تۇرامىن. 1993 جىلى تۋعانمىن. ەرتە جاستان وسى جەكپە-جەك سپورت تۇرلەرىنە قىزىعىپ ءوستىم. ءبىراز مىقتى اعالارىمىزدىڭ تاربيەسىن الدىق. قازاقى رۋحتى تاربيەنىڭ ارقاسى دەپ بىلەمىن وسى جەتىستىكتەرىمنىڭ ءبارىن. وسى ۋاقىتقا دەيىن كاسىبي الاڭدا 18 كەزدەسۋ وتكىزىپ، ونىڭ 15-ىندە جەڭىسكە جەتىپپىن.

ال، كەشەگى WBK جارىسى تۋرالى ايتسام، وندا جەكپە-جەككە شىعاتىن جۇپتار جەرەبە ارقىلى انىقتالدى. ايبەكتى تانىسام دا، بۇل مايداندا بىرگە كەزدەسەمىز دەگەن ويىم بولعان جوق. الاڭعا شىعاتىن 4 سپورتشى ءوزارا جەرەبە ارقىلى جۇپ قۇردىق. ايبەك فرانتسيالىق سپورتشى مايكل دۋبويسپەن، مەن ۋكراينالىق سپورتشىمەن شىعاتىن بولدىم. ايبەك فرانتسۋزدى، مەن ءوز قارسىلاسىمدى جەڭىپ، ناتيجەسىندە ءبىر-بىرىمىزبەن كەزدەسەتىن بولدىق. الاڭعا شىققاندا جارىس ەرەجەسى بويىنشا ءبىر-بىرىمىزگە سوققى جاساۋىمىز ءتيىس بولسا دا قول كوتەرە المادىق. تاريحتان بىلەمىز، قازاقتىڭ باتىرلارى ەشقاشان ءبىر-بىرىنە قول كوتەرىپ، سوققىعا جىققان جاعداي بولعان ەمەس. وسىلاي باۋىرمالدىق پەن تاتۋلىقتىڭ ۇلگىسىن كورسەتكەن. قاندا بار سول قاسيەت وسى الاڭدا دا كورىنىس بەردى دەپ ويلايمىن. ايبەك تە مەن دە سوققى جاساۋعا قولىمىز بارمادى. ونىڭ ۇستىنە بۇرىننان تانىستىعىمىز بار. جاقسى جىگىت، ادال دوس، مىقتى سپورتشى ەكەنىن ىلەمىن.

اقشاعا بولا، اتاق-ابىرويعا، ءبىر بەلبەۋگە بولا ءبىر-ءبىرىمىزدى ساباپ جاتقانىمىز ءجونسىز بولار ەدى. وسى شەشىمگە الاڭ ۇستىندە كەلدىك. ءبىراز، اقپارات قۇرالدارى ەكى سپورتشى الدىن الا كەلىسىپ العان دەگەندەي ايتىپ جاتىر ەكەن. ونىڭ ەش نەگىزى جوق. ءبىزدىڭ كەزدەسۋىمىز كەزدەيسوقتىق بولدى. ايبەكتىڭ دە بۇل سايىسقا كەلۋى كەزدەيسوقتىق ەدى. سوندىقتان، ەكى قازاقتىڭ الاڭدا جولىعىپ، ءبىر-بىرىنە قول جۇمساماۋىن تەك باۋىرمالدىق، تەگىنە تارتۋشىلىق دەپ ءتۇسىنۋ كەرەك.

ەرلان تولەۋباي

Abai.kz