كوماروۆتىڭ سوزىنشە، بايقوڭىردا سالىنعان ينفراقۇرىلىمداردىڭ رەسۋرسى ءالى سارقىلماعان. ول «سويۋز» زىمىران-تاسىعىشىن بايقوڭىردان كوشىرۋ مۇمكىن ەمەس دەيدى. كوكتەمدە رەسەيدىڭ امۋر وبلىسىندا ۆوستوچنىي عارىش ايلىعىنان ءبىرىنشى زىمىران ۇشىرىلعان بولاتىن.

رەسەيدىڭ بايقوڭىردان كەتپەيتىندىگى جونىندە وتكەن اپتادا ۆيتسە-پرەمەر دميتري روگوزين دە مالىمدەگەن. ول ينتەرفاكسكە بەرگەن سۇحباتىندا «روسكوسموس» باسشىسى عارىش سالاسىندا قازاقستانمەن قارىم-قاتىناستى كەڭەيتۋگە جانە بايقوڭىردىڭ تەحنيكالىق مۇمكىندىكتەرىن دامىتۋعا نيەتتى ەكەنىن ايتتى دەگەن.

رەسەي ۆيتسە-پرەمەرى مەن «روسكوسموس» باسشىلارىنىڭ مۇنداي مالىمدەمە جاساۋىنا قازاقستاننىڭ ءبىرىنشى ۆيتسە-پرەمەرى باقىتجان ساعىنتاەۆتىڭ ماسكەۋ 2025 جىلدان كەيىن بايقوڭىر عارىش ايلاعىن پايدالانۋدان باس تارتۋى مۇمكىن دەگەن سوزدەرى تۇرتكى بولدى. ماسكەۋدە جۋرناليستەرمەن كەزدەسۋ كەزىندە ول رەسەي باس تارتقان جاعدايدا قازاقستان بيلىگى بايقوڭىردى باسقا ەلدەرگە جالعا بەرەدى دەگەن.

رەسەي بايقوڭىردى 2050 جىلعا دەيىن جالعا العان. قازاقستاننىڭ ۆيتسە-پرەمەرى باقىتجان ساعىنتاەۆتىڭ اقپاراتى بويىنشا، رەسەي جالعا العانى ءۇشىن قازاقستانعا جىل سايىن 120 ميلليون دوللار تولەيدى.

اباي-اقپارات