قۇرمەتتى وقىرماندار، دوستار! 28.06.2016 ج. قازاقستان رەسپۋبليكاسى كونستيتۋتسيالىق كەڭەسىنە ەلەكتروندى پورتال جانە باسقا دا باق قۇرالدارى ارقىلى حات جازعان ەدىم. حاتتا: قر-سىنىڭ ءتىل تۋرالى زاڭىنداعى ء«تىل تۋرالى زاڭداردى بۇزعانى ءۇشىن جاۋاپتىلىققا» شاقىراتىن 5-تاراۋدىڭ 24-بابىنا سۇيەنە وتىرىپ، «كونستيتۋتسيالىق كەڭەس» القاسى ەلىمىزدىڭ ورتا مەكتەپتەرى باعدارلاماسىنا كىرگەن ء«ۇش تۇعىرلى ءتىل» رەفورماسىنىڭ (اعىلشىن ءتىلىنىڭ) اتا زاڭىمىزداعى 7-باپ جانە قر-سى ء«تىل تۋرالى زاڭىندا» كورسەتىلگەن 4-ءشى; 5-ءشى; 7-ءشى باپ; 2-تاراۋ 8-ءشى; 9-شى; 4-تاراۋ 21-ءشى باپتارىنا; (11.07.1997 №151-1 قر-ىڭ زاڭى) قانشالىقتى سايكەستىگىن ساراپتامادان وتكىزىپ، بۇعان ءوز باعاسىن بەرۋدى سۇراعانمىن. 

وكىنىشكە وراي، بۇگىن، ياعني 05.07.16 ج ولاردان ەلەكتروندى پورتال ارقىلى حاتتى تىركەۋدەن باس تارتقانى تۋرالى جاۋاپ كەلدى. وسىدان كەيىن زاڭدى بۇزعان، ءوتىنىشتى قاراۋسىز قالدىرعان كونستيتۋتسيالىق كەڭەسءتى كىمنىڭ كەڭەسى دەيمىز؟

قر كونستيتۋتسياسىنىڭ 4 - بابىنىڭ 4-تارماعى، 18-بابى 3-تارماعىنا، 20-بابى 2-تارماعىنا جانە قر ازاماتتىق كودەكسىنىڭ 8-بابى 5-تارماعىنا سايكەس ءاربىر ازامات ءوزىنىڭ سۇراعىنا ەركىن اقپارات الۋعا قۇقىلى. كك ءاربىر ازاماتقا ءوزىنىڭ قۇقىقتارى مەن مۇدەلەرىنە قاتىستى قۇجاتتارمەن، شەشىمدەرمەن تانىسۋ مۇمكىندىگىن قامتاماسىز ەتۋگە مىندەتتى. سونداي-اق، «جەكە جانە زاڭدى تۇلعالاردىڭ وتىنىشتەرىن قاراۋ ءتارتىبى» تۋرالى قر زاڭىنىڭ 14-بابى 1-تارماقشاسىنا سايكەس ءوتىنىش بەرگەن كەز كەلگەن تۇلعا قۇجاتتار تالاپ ەتۋ تۋرالى سۇراۋعا قۇقىلى. الايدا، زاڭنىڭ بۇرمالانباۋىن، ونىڭ ورىندالۋىن قاداعالايدى دەگەن «كونستيتۋتسيالىق كەڭەس» ءوزى باس بولىپ مۇنى ورىنداماي وتىر. ەلدى دۇرلىكتىرگەن «ۇشتىلدىلىك» ماسەلەسىنىڭ قانشالىقتى زاڭعا سايكەستىگىنە "كونستيتۋتسيالىق كەڭەس" تورەلىگىن ايتۋى ءتيىس. بۇل حالىقتىڭ سۇرانىسى.

ءالى دە كوپتى (حالىقتى) تولعانتقان كۇردەلى ماسەلەگە جاۋاپ بەرەر دەگەن ۇمىتپەن جوعارىداعى سۇراعىمىزدى قايتالاپ، ەكىنشى قايتارا حات جىبەردىم. ايتارىم، كوپ بولىپ كونستيتۋتسيالىق كەڭەستىڭ ءۇنسىز قالۋىنا جول بەرمەيىك، جاۋاپ بەرۋىن تالاپ ەتەيىك. 

قۇرمەتپەن: نۇرلىباي قوشامانۇلى

Abai.kz