3 شىلدەدە قازاقستاندا پرەزيدەنت نۇرسۇلتان نازارباەۆ تۋرالى دەرەكتى فيلم كورسەتىلەدى، - دەپ حابارلايدى Tengrinews.kzء تىلشىسى.

فيلم اۆتورى ياروسلاۆ كراسيەنكو ءوزىنىڭ Instagram-اككاۋنتىندابىرنەشە ۆيدەواڭداتپا جاريالادى. 

"ەلباسى" تۋرالى جاڭا ءفيلمنىڭ اڭداتپاسى. حالىقتى تۇسىنۋگە،تانۋعا جول اشاتىن وي-تولعام! ءدىن مەن ءدىل، بابالار جولى جايىندا، - دەپ جازدى ول ۆيدەولاردىڭ بىرىنە سيپاتتاما رەتىندە. بۇل روليكتە نازارباەۆ تىلشىمەن ءدىن تۋرالى سويلەسەدى. "قازاقستاندىق مۇسىلمان ءدىنى بايسالدىراق، شىدامدى. ءسۇننيزم دە بايسالدى ءدىن، زايىرلى ءدىن. ءبىزدىڭ ءوز سالتىمىز، ءداستۇرىمىز بار. سوسىن قازاقتار ارۋاققا تابىنادى. ال قۇراندا اللاعا عانا تابىنادى دەلىنگەن، ەشقانداي دا ارۋاققا ەمەس. ءبىز جەتى اتامىزدى ءبىلىپ، بابالارىمىزدىڭ ارۋاعىنا تابىنامىز. مۇندا قورقىنىشتى دۇنيە كورىپ تۇرعان جوقپىن", - دەدى مەملەكەت باسشىسى. 

"ەلباسى" جايلى ءفيلمنىڭ تاعى ءبىر اڭداتپاسى. نۇرسۇلتان نازارباەۆتىڭ 1986 جىلى اقپاندا قازكسر كپ XXVI  سەزىندە سويلەگەن ءسوزى تۋرالى اتىشۋلى وقيعانىڭ ءمان-جايىن انىقتايمىز", - دەپ جازدى فيلم اۆتورى.

"ارينە، بۇل ءسوزىم بۇلىك بولدى، شىنىمدى ايتايىن، بىراق ايتپاي تۇرا المادىم، ماعان قيىن بولدى. وتە قاتتى قۇرمەتتەيتىن باسشىما ءسوزىمنىڭ ءتيىپ كەتىپ تۇرعانىن ءتۇسىندىم. بىراق مەن ونىڭ جەكە باسىنا تيمەدىم، ەكونوميكا جايلى ايتتىم. بىراق مەن وعان قاتتى ءتيىپ كەتەتىنى جايلى ءتىپتى ويلامادىم دا. ءوز ىشىمدە مەن وعان كومەكتەسىپ جاتىرمىن دەپ ەسەپتەدىم. مەن ول بۇل جايلى بىلمەيدى دەپ ويلادىم. سول كەزەڭ جەكە مەن ءۇشىن قاۋىپتى بولدى. جالپى مەملەكەتتىڭ قايسىبىر رەفورماسى رەفورماتور ءۇشىن ارقاشان دا قاۋىپتى", - دەيدى فيلمدە نازارباەۆ.

سونىمەن قاتار، تاعى ءبىر اڭداتپادا نازارباەۆ بيلىك تۋرالى ايتادى. "ارينە، قازاق، ول دا ءوزىن قۇرمەتتەۋدى سۇيەدى، جاقسى بولعىسى كەلەدى، باسشى بولعاندى ۇناتادى. كىم ۇناتپايدى دەيسىز. ۇلت اكەسى دەپ ادام ءوزىن ەمەس، ونى حالىق اتاۋى كەرەك، مەن ءتىپتى بۇل تۋرالى سويلەگىم دە كەلمەيدى...".

"ەلباسى" ءفيلمى كتك (21.00-دە) جانە "حابار" (22.00-دە) جەكسەنبىدە، 3 شىلدەدە كورسەتىلەدى.

Abai.kz