سونىمەن، تاۋەلسىز ەلىمىزدىڭ 25 جىل ىشىندە قول جەتكىزگەن قازاق ءتىلدى ارنا، ەلباسىنىڭ ايتۋىمەن ورىندالعان مەلەكەتتىك تىلدە اقپارات تاراتاتىن جالعىز ارنا - «قازاقستان» كۇيرەپ تىندى!

كۇيرەمەگەندە نەسى قالدى، ماۋسىمنىڭ 9-نان باستاپ ءۇش كۇن قاتارىنان ماسكەۋدىڭ «مۋزتۆ پرەميا 2016» جوباسىنا ورىس تىلىندە كۇندەلىكتى شولۋ جاساپ، ءتىپتى تۇتاستاي ۇزاق-سونار ترانسلياتسيالا جاساپ تىراشتاندى. قازاق ارناسىندا - تازا ورىس تىلىندە! ماكسيم گالكين مەن كسەنيا سوبچاك قازاقتىڭ ۇلتتىق ارناسىندا ءوز تىلىندە ارمانسىز سايران سالدى. ءسويتىپ ۇلتتىق ارنا ساياساتتىڭ، نارىقتىڭ، قاراجاتتىڭ اياعىنا جىعىلدى.

باسىندا تازا، تەك مەملەكەتتىك تىلدە عانا حابار جۇرگىزەدى دەگەن «قازاقستان» ۇلتتىق ارناسى فۋتبول ماتچارىن ەكى تىلدە جۇرگىزۋدەن باستاپ-اق ەڭ باستى قاعيدانى - تازا قازاق تىلىندە حابار تاراتۋ قاعيداسىن بارىنشا بۇزدى.

ونىڭ ۇستىنە، ءالى ەلىمىز رەسمي كوشپەگەن لاتىن جازۋىنا رەسمي ارنانىڭ كوشىپ، ءتىل شۇبارلاعانى قاي ساسقانى («Aرta.kz»، «Kaznews»)? مىنە، باستى قاعيدانى وسىلايشا ءتۇپ-تامىرىمەن كۇلىن كوككە ۇشىردى! ەتى ءولىپ كەتكەن، بارىنە توزگىش قازاققا ءبارىبىر دەپ، ارنا باسشىلارى ويىنا كەلگەنىن ىستەي بەرە مە؟

تۇرسىن تاڭاتاروۆ، قوستاناي قالاسى

Abai.kz