كولسايدا وتكەن كوزايىم شارا
جەتىسۋدىڭ باعا جەتپەس جەر ءجانناتتارىنىڭ ءبىرى — كولساي وڭىرىندە، بيىلعى وكۋ جىلىنىڭ اياقتالار تۇسىندا، 2007 جىلدىڭ اقپانىنان باستاپ قۇرىلعان «كولساي كولدەرى» مەملەكەتتىك ۇلتتىق تابيعي پاركى مەملەكەتتىك مەكەمەسىنىڭ ۇيىمداستىرۋىمەن، ءداستۇرلى «ساياباقتار شەرۋى- 2009» تابيعات قورعاۋ اكتسياسى ءوتتى.
ساتى اۋىلدىق وكرۋگىنە قاراستى قارابۇلاق، كۇرمەتى، العاباس، سونداي-اق جالاڭاش جانە كىشى جالاڭاش اۋىلدارىنىڭ ۇلكەن-كىشىسى جينالىپ، مەرەكەلىك شارانىڭ وتىن قىزدىرا ءتۇستى. «كولساي كولدەرى» ۇلتتىق پاركىنىڭ ديرەكتورى جامبىل مۇحيتانوۆتىڭ قۇتتىقتاۋ سوزىنەن كەيىن بار ونەرلەرىن ورتاعا سالعان اتالمىش اۋىلدارداعى التى مەكتەپتىڭ وقۋشىلارى تابيعات — اناعا ارنالىپ ۇيىمداستىرىلعان ءتۇرلى نوميناتسيالار بويىنشا وتكەن بايقاۋدا باق سىناستى. ماسەلەن، «ولەڭدەر توپتاماسىنان»: ا.تۇركەباەۆ اتىنداعى ورتا مەكتەپ وقۋشىسى تۇرىسكەلدى ىڭكار باس جۇلدەنى جەڭىپ السا، شىعارما جازۋدا س.بەيسەمبەتۇلى اتىنداعى ورتا مەكتەپ وقۋشىسى ءارىپباي ماديار باس جۇلدە السا، سۋرەت سالۋدان بەكمۇحانبەت ساتىحانوۆ — ءى-ءشى ورىندى يەمدەندى.
«ۇزدىك قولونەر» نوميناتسياسىنان سىنعا تۇسكەن مامانوۆا نازىك جەڭىمپاز اتانسا، «ۇزدىك كيىم» نوميناتسياسىندا ايتاقىنوۆا ن. العا شىقتى. ال مامانوۆا نازىك «تازا سۋ، تازا بۇلاق» نوميناتسياسىنىڭ جەڭىمپازى اتاندى. 

كولسايدا وتكەن كوزايىم شارا
جەتىسۋدىڭ باعا جەتپەس جەر ءجانناتتارىنىڭ ءبىرى — كولساي وڭىرىندە، بيىلعى وكۋ جىلىنىڭ اياقتالار تۇسىندا، 2007 جىلدىڭ اقپانىنان باستاپ قۇرىلعان «كولساي كولدەرى» مەملەكەتتىك ۇلتتىق تابيعي پاركى مەملەكەتتىك مەكەمەسىنىڭ ۇيىمداستىرۋىمەن، ءداستۇرلى «ساياباقتار شەرۋى- 2009» تابيعات قورعاۋ اكتسياسى ءوتتى.
ساتى اۋىلدىق وكرۋگىنە قاراستى قارابۇلاق، كۇرمەتى، العاباس، سونداي-اق جالاڭاش جانە كىشى جالاڭاش اۋىلدارىنىڭ ۇلكەن-كىشىسى جينالىپ، مەرەكەلىك شارانىڭ وتىن قىزدىرا ءتۇستى. «كولساي كولدەرى» ۇلتتىق پاركىنىڭ ديرەكتورى جامبىل مۇحيتانوۆتىڭ قۇتتىقتاۋ سوزىنەن كەيىن بار ونەرلەرىن ورتاعا سالعان اتالمىش اۋىلدارداعى التى مەكتەپتىڭ وقۋشىلارى تابيعات — اناعا ارنالىپ ۇيىمداستىرىلعان ءتۇرلى نوميناتسيالار بويىنشا وتكەن بايقاۋدا باق سىناستى. ماسەلەن، «ولەڭدەر توپتاماسىنان»: ا.تۇركەباەۆ اتىنداعى ورتا مەكتەپ وقۋشىسى تۇرىسكەلدى ىڭكار باس جۇلدەنى جەڭىپ السا، شىعارما جازۋدا س.بەيسەمبەتۇلى اتىنداعى ورتا مەكتەپ وقۋشىسى ءارىپباي ماديار باس جۇلدە السا، سۋرەت سالۋدان بەكمۇحانبەت ساتىحانوۆ — ءى-ءشى ورىندى يەمدەندى.
«ۇزدىك قولونەر» نوميناتسياسىنان سىنعا تۇسكەن مامانوۆا نازىك جەڭىمپاز اتانسا، «ۇزدىك كيىم» نوميناتسياسىندا ايتاقىنوۆا ن. العا شىقتى. ال مامانوۆا نازىك «تازا سۋ، تازا بۇلاق» نوميناتسياسىنىڭ جەڭىمپازى اتاندى. 
اسىرەسە، «قازاقستان — قىزعالداقتار وتانى» نوميناتسياسى بويىنشا، قىزعالداقتاردىڭ سۋرەتىمەن كوزدىڭ جاۋىن العان اشەكەەۆا رايحان مەن قۇرمانبەك ايساۋلەنىڭ قۇراق كورپەسى مەن «قۇستار — ءبىزدىڭ دوسىمىز» نوميناتسياسىنا ايبەك اسكەربەكۇلى مەن ايتجان قىرعىزباي سىمباتتىڭ تورعايعا جاساعان ۇيالارى كوپشىلىكتىڭ كوڭىلىنەن شىقتى.
ارينە، بۇل شارانىڭ وتۋىنە، بالالارعا ءتالىم-تاربيە بەرىپ وتىرعان ۇستازدار قاۋىمىنىڭ ەڭبەگى ەرەكشە سىڭگەنى انىق.
سالتاناتتى كەش كوركەمونەرپازداردىڭ شارىقتاتا سالعان اندەرى مەن مىڭ بۇرالعان بيلەرىنە جالعاستى. ال كەش سوڭىندا جەڭىمپازدار ءتۇرلى باعالى سىيلىقتارمەن جانە ماقتاۋ قاعازدارمەن ماراپاتتالدى.
ەندى ءبىر ءسات مەكتەپ وقۋشىلارى مەن جينالعان جۇرتشىلىق تابيعاتتى تاماشالاۋ ءۇشىن كولساي كولدەرىنە قاراي بەت تۇزەدى. ولار تابيعات اياسىندا وتىرىپ، «كولساي كولدەرى» مەملەكەتتىك ۇلتتىق تابيعي پارك مەملەكەتتىك مەكەمەسى ازىرلەگەن تاعامنان ءدام تاتتى.
ءتۋريزمنىڭ اياعىن تۇساپ وتىرمىز 
الماتىدان شىققان اسفالت جولدىڭ تورايعىر تاۋىن اينالا قالتالانىپ، ءبىراز ۋاقىتىڭدى الاتىنى راس. بۇل ورايدا تىلىمىزگە ورالىپ تۇرعان «توتە جول سالۋ» ماسەلەسىن ايتپاي-اق تۇرا تۇرعان ءجون سياقتى. «ويتكەنى، ءمۇيىز سۇرايمىز دەپ ءجۇرىپ، قۇلاعىمىزدان ايىرىلعىمىز كەلمەيدى» — دەيدى جەرگىلىكتى تۇرعىندار. ونىڭ ورنىنا ولار، ۇكىمەتتىڭ كولسايعا جەتپىس شاقىرىم جەتپەي جەلكەسى ۇزىلگەن اسفالت جولدى سالىپ بەرگەنىن قالايدى. دەگەنمەن، بۇل ءىستى اتقارۋعا ۇكىمەت قۇلىق تانىتىپ وتىرعانىمەن، انا شارا، مىنا شارالاردى وتكىزۋ سىلتاۋىنىڭ اقىرى «داعدارىس» تىعىرىعىنا كەلىپ تىرەلگەن كورىنەدى. بۇگىندە جولدىڭ تاسىنان قاشىپ، دونگەلەگىن دوڭگە سالعانداردىڭ كەسىرىنەن، قاسقا جولدىڭ ەكى جاعىنداعى اڭىزدى القاپ، اندىزعا اينالعان.  ارينە، ارمان بولعان اسفالت جول دا سالىنار، بىراق قاشان. وسى جول قاتىناسىنىڭ قيىنداعى تۋريستەردى توبىقتان تەۋىپ، تۋريزمنىڭ اياعىن تۇساپ وتىرعانى انىق. ايتپەسە، وسى كۇنى كولساي كەرەمەتىن كىم بىلمەيدى دەيسىڭ؟!
ۇلتتىق پارك ديرەكتورى جامبىل مۇحيتانوۆ پەن ساتى سەلوسىنىڭ اكىمى الىبەك يبرايموۆتىڭ جانە اۋداننىڭ قۇرمەتتى ازاماتى اكىتاي ءجۇمادىلوۆ، بايانباي سۇلتانعازيەۆ، ەلشىبەك ۇمبەتاليەۆ، ءادىلحان باتانوۆ، سەرعازى ىسقاقوۆ سىندى اۋىل اقساقالدارى مەن ازاماتتارىن، كەلەشەكتە ءتۋريزمدى تۋعان اۋىلدارىمەن بايلانىستىرا دامىتۋ جايى تولعاندىرادى ەكەن. قالاي بولعاندا دا، «اۋدان مەن وبلىس باسشىلارىنىڭ، سونداي-اق ۇكىمەت باسشىلىرانىڭ قۇلاعىنا ءوز اتىمنان التىن سىرعا!»  دەگىم كەلەدى.

اۆتور جانباقىت بورانتاەۆ
«قازاقستان-زامان» گازەتى 28 مامىر 2009 جىل