1 قىركۇيەك – ءبىلىم كۇنىندە وڭتۇستىك قازاقستان وبلىسىندا ەل تاۋەلسىزدىگىنىڭ 25 جىلدىعىنا وراي، 25 جاڭا مەكتەپ پايدالانۋعا بەرىلدى.

جاڭادان اشىلعان ءبىلىم وشاقتارىنىڭ 2-ءى مەكتەبى جوق ەلدى مەكەندەردەن بوي كوتەرسە، 7 ءبىلىم نىسانى ءۇش اۋىسىمدى مەكتەپتەردى جويۋ ءۇشىن سالىنعان. 6 عيمارات ىڭعايلاستىرىلعان مەكتەپتەردىڭ ورنىن الماستىرسا، 9 ءبىلىم وشاعى اپاتتى جاعدايداعى نىسانداردى جويۋ ءۇشىن، ال 1 مەكتەپتىڭ ىرگەتاسى وقۋشى ورنىنىڭ تاپشىلىعىن جويۋ ماقساتىندا قالانعان.

اتاپ ايتقاندا، ءبىلىم وشاقتارىنىڭ باسىم بولىگى ماقتارال مەن قازىعۇرتتان بوي كوتەرگەن. اتالعان اۋدانداردا 6 مەكتەپتەن 12 نىسان وقۋشىلار ءۇشىن ەسىگىن ايقارا اشىپ وتىر. سايرام مەن شىمكەنتتە 3 ءبىلىم وشاعىنان 6 مەكتەپ پايدالانۋعا بەرىلسە، سارىاعاشتا 2, ارىستا 2, تۇلكىباستا 1, سوزاقتا 1 جانە شاردارادا 1 ءبىلىم مەكەمەسى جۇمىسىن باستادى.

جالپى جىل باسىنان بەرى وڭتۇستىك قازاقستاندا 67 ءبىلىم نىسانىنىڭ قۇرىلىسى جۇرگىزىلسە، بۇگىنگە دەيىن سونىڭ 34 مەكتەبى مەن 4 بالاباقشاسى ەل يگىلىگىنە بەرىلىپ، پايدالانىلۋدا. جىل سوڭىنا دەيىن تاعى بىرقاتار ءبىلىم وشاقتارى ەلگە قىزمەت ەتۋدى باستايدى دەپ كۇتىلۋدە. وبلىستىق قۇرىلىس باسقارماسى ماماندارىنىڭ مالىمەتىنشە، جالپى 67 نىسان پايدالانۋعا تاپسىرىلعاندا وڭىرىمىزدەگى 26 145 وقۋشى جاڭا وقۋ عيماراتىمەن قامتىلاتىن بولادى.

Abai.kz