قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي م.اۋەزوۆ اتىنداعى وقمۋ-دا «وڭتۇستىك وڭىردەگى ونوماستيكا ماسەلەلەرى» اتتى ايماقتىق كونفەرەنتسيا ءوتتى. بۇل تۋرالى «Abai.kz» پورتالى وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

ونوماستيكا سالاسىنداعى وزەكتى ماسەلەلەردى كەڭىنەن تالقىلاپ، ونىڭ شەشۋ جولدارى مەن ادىستەرىن ايقىنداۋ جانە جەرگىلىكتى جەرلەردەگى ماماندارعا ادىستەمەلىك كومەك كورسەتۋ ماقساتىندا وتكەن كونفەرەنتسياعا وبلىستىق تىلدەردى دامىتۋ، ارحيۆتەر مەن قۇجاتتاما باسقارماسىنىڭ باسشىلىعى جانە قىزمەتكەرلەرى مەن وبلىستىق ساۋلەت جانە قالا قۇرىلىسى باسقارماسى باسشىسىنىڭ ورىنباسارى، شىمكەنت قالاسى تىلدەردى وقىتۋ ورتالىعىنىڭ قىزمەتكەرلەرى جانە باق وكىلدەرى قاتىستى.

كونفەرەنتسيانىڭ باعدارلاماسىنا سايكەس، ونىڭ جۇمىسى وڭتۇستىك قازاقستان وبلىسى تىلدەردى دامىتۋ، ارحيۆتەر مەن قۇجاتتاما باسقارماسى باسشىسىنىڭ ورىنباسارى ق. اعابەكوۆتىڭ قاتىسۋشىلارعا ارنالعان سوزىمەن اشىلدى.  ءارى قاراي، ونوماستيكا سالاسىندا اتقارىلىپ جاتقان جۇمىستار، ونىڭ دامۋ كوكجيەكتەرى، سالاداعى وزەكتى ماسەلەلەر، ونوماستيكالىق قىزمەتتىڭ عىلىمي نەگىزدەمەسى، اتقارالىپ جاتقان جۇمىستاردىڭ زاڭنامالىق جانە ادىستەمەلىك نەگىزى جونىندە باياندامالار وقىلدى.

جيىن بارىسىندا شىمكەنت قالاسى تىلدەردى وقىتۋ ورتالىعىنىڭ ۇستازى گ.رۇستەموۆا ء«تىل الەمى» پورتالى مەن «اتاۋ.كز» «ەملە.كز» «تەرمينكوم.كز» اقپاراتتىڭ سايتتارىنىڭ تانىستىرىلىمىن جاسادى.

Abai.kz