قازاقستان رەسپۋبليكاسى تاۋەلسىزدىگىنىڭ 25 جىلدىعىن وتكىزۋ اياسىندا «قۋاتتى ءوڭىر – قۋاتتى قازاقستان» وڭتۇستىك قازاقستان وبلىسىنىڭ ەلورداسى – استاناداعى كۇندەرى باستالدى.

وسى كۇندەرى «قازاقستاندا جاسالعان» اكتسياسىنىڭ شەڭبەرىندە وبلىستىق ونەركاسىپ وندىرۋشىلەردىڭ كورمەسى مەن اۋىل شارۋاشىلىعى ونىمدەرىنىڭ جارمەڭكەسى وتۋدە. مۇندا استانالىقتارعا 300 توننادان استام اۋىل شارۋاشىلىعى ونىمدەرى نارىقتاعى باعادان 15-20 پايىزعا ارزان ساۋدالانۋدا.

 بۇگىنگى جارمەڭكەگە استانا قالاسىنىڭ اكىمى اسەت يسەكەشەۆ پەن وڭتۇستىك قازاقستان وبلىسىنىڭ اكىمى جانسەيىت تۇيمەباەۆ قاتىسىپ، اۋىل شارۋاشىلىق ونىمدەرىمەن تانىستى. ءوز كەزىندە وبلىس اكىمى ازىق-تۇلىك باعاسىنىڭ نەگىزسىز وسۋىنە جول بەرمەيتىن مۇنداي جارمەڭكەلەردى ء جيى ۇيىمداستىرۋ قاجەتتىگىنە توقتالدى.

سونىمەن، جالپى كولەمى 304 توننا بولاتىن ونىمدەردىڭ قۇرامىندا 60 توننا ەت جانە ەت ونىمدەرى، 126 توننا كوكونىس، 29 توننا جەمىس-جيدەك، 7 تن ءسۇت ونىمدەرى، 5 تن شۇبات، 25 مىڭ دانا جۇمىرتقا، 40 تن باقشا ونىمدەرى، 7 تن بالىق، 7 تن بال، 3 تن وسىمدىك مايى مەن 5 تن كەپتىرىلگەن جەمىس 15 تن باسقا دا ونىمدەر بار.

ەلوردالىقتارعا الىپ كەلگەن اۋىل شارۋاشىلىق ونىمدەرىنىڭ جالپى قۇنى 100,8 ملن.تەڭگەنى قۇرايدى. ەكى كۇنگە جالعاساتىن اۋىل شارۋاشىلىعى جارمەڭكەسىنە 50-دەن استام ءوڭىردىڭ تاۋار وندىرۋشىلەرى  ساپالى ءارى بالعىن ونىمدەرىن تۇرعىندارعا ۇسىنۋدا.

وڭتۇستىك قازاقستان وبلىسى اۋىل شارۋشىلىعى باعىتىندا جۇيەلى جۇمىستار اتقارىپ، تولاعاي تابىستارعا جەتىپ وتىر. اتاپ ايتقاندا بيىل وبلىس شارۋالارىمەن 470 مىڭ تن. (2015ج. 246 مىڭ تن.) استىق جينالىپ، تۇسىمدىلىگى ورتاشا ەسەپپەن 22 تس/گا. قۇرادى. بۇل  قازاقستاننىڭ تاۋەلسىزدىك  كەزەڭىندەگى ەڭ ۇلكەن رەكوردتىق كورسەتكىش بولىپ تابىلادى. ال جەمىس-جيدەك داقىلدارى مەن ءجۇزىمنىڭ كوپجىلدىق ەكپەلەرىنىڭ كولەمى  جىلدان - جىلعا ۇلعايۋ ۇستىندە.  ناقتىراق ايتساق، 2008-2016  جىلدار ارالىعىندا  جەمىس-جيدەك داقىلدارى مەن ءجۇزىمنىڭ  كوپجىلدىق ەكپەلەرىنىڭ ەگىس كولەمى 17,7 مىڭ گا. بولسا، بيىل بۇل 30 مىڭ گا  جەتكىزىلدى.

وقو اكىمىنىڭ ءباسپاسوز قىزمەتى