وڭتۇستىك قازاقستان وبلىسى كولەمىندە قازاقستان رەسپۋبليكاسىنىڭ تاۋەلسىزدىگىنە 25 جىل تولۋىنا وراي اتالمىش مەرەكە قارساڭىندا كۇن سايىن يگى شارا ۇيىمداستىرۋ جوسپارلانعان. وسىعان وراي، بەكىتىلگەن ءىس-شارا جوسپارىنا ساي ءار كۇنى ۇيىمداسترىلعان ىستەر تۇركىستاندىقتار ءۇشىن ۇلىق مەرەكەنىڭ ۇلىلىعىن پاش ەتۋدە. سول يگى باستامانىڭ جالعاسى بۇگىن قالاداعى كوپقاباتتى ۇيلەر كوپتەپ شوعىرلانعان ساۋران ىقشام اۋدانىندا اۋىلشارۋاشىلىعى ونىمدەرىنىڭ جارمەڭكەسى ءوتتى. ونداعى ماقسات تۇرعىندارعا بازار باعاسىنان تومەن باعادا كۇندەلىكتى تۇرمىسقا قاجەتتى ازىق-تۇلىك ونىمدەرىن ۇسىنۋ.   

قالالىق اۋىلشارۋاشىلىعى جانە كاسىپكەرلىك بولىمدەرىنىڭ ۇيىمداستىرۋىمەن وتكەن جارمەڭكەدە وننان استام ءونىم تۇرلەرى ساۋدالاندى. جىلجىمالى بازار باعاسى نارىقتاعى باعادان 15-20 پايىزعا تومەن بولدى. سەبەبى، مۇندا الىپ ساتارلار ەمەس، شارۋانىڭ ءوزى وندىرگەن ءونىمىن تىكەلەي تۇتىنۋشىعا ۇسىنىپ وتىر.

ەستەرىڭىزدە بولسا، تۇركىستان قالالىق «نۇر وتان» پارتياسى فيليالى عيماراتىندا جەكە قابىلداۋ ءوتىپ، وندا قالا تۇرعىندارىنىڭ سان سالاداعى تالاپ-تىلەكتەرى مەن ازاماتتاردىڭ  اۋىلشارۋاشىلىق ماسەلەلەرىنە قاتىستى ساۋالدارى بويىنشا جەكە ماسەلەلەرى  تىڭدالعان بولاتىن.

اتالعان جيىندا العاشقى بولىپ زەينەتكەر ءجۇسىپوۆ شىنتەمىر  اۋىل شارۋاشىلىعى قاتىستى سۇراعىن جولدادى. اقساقال اۋىل شارۋاشىلىق جانە جەر قاتىناستارى بولىمىندە جەر كاداسترلىق كارتانىڭ ەلەكتروندىق بازاسىن ورنالاستىرىپ بەرۋ بويىنشا ۇسىنىسىن جەتكىزدى. اۋىل شارۋاشىلىعى-ماتەريالدىق ءوندىرىستىڭ  ەڭ ماڭىزدى تۇرلەرىنىڭ ءبىرى. اۋىل شارۋاشىلىعى حالىقتى ازىق-تۇلىكپەن جانە ونەركاسىپتى شيكىزاتتىڭ كەيبىر تۇرلەرىمەن قامتاماسىز ەتۋمەن اينالىسادى. ءبىزدىڭ وڭىرىمىزدە دە اۋىل شارۋاشىلىعى ونىمدەرىن قايتا وڭدەۋ ىلگەرى دامىپ كەلەدى.

Abai.kz