بۇل تۋرالى بۇگىن وقو ايماقتىق كوممۋنيكاتسيالار قىزمەتىندە وتكەن ءباسپاسوز جيىنىندا قر تاۋەلسىزدىگىنىڭ 25 جىلدىعىندا تۇلكىباس اۋدانىنىڭ جەتىستىكتەرى جايلى تۇلكىباس اۋدانىنىڭ اكىمى اۋەلحان تۇرعىمبەكوۆ مالىمدەدى.   

جالپى، تۇلكىباس اۋدانىندا 1991-2016 جىلدارى الەۋمەتتىك ماسەلەلەر وڭ شەشىمىن تاۋىپ، اۋداندا كاسىپكەرلىك سالاسى جىلدان-جىلعا وركەندەپ كەلەدى. ماسەلەن، مەملەكەت تاراپىنان بەرىلىپ وتىرعان باعدارلامالار ارقىلى اۋداندا 1026 جوبا قارجىلاندىرىلىپ، بەلسەندى جەكە كاسىپكەرلەر سانى  2961 بىرلىكتى  قۇراعان. 

سونىمەن بىرگە، جۋرناليستەرمەن بولعان كەزدەسۋدە اۋداندا سوڭعى 25 جىلدا حالىق سانى 26 مىڭ 600 ادامعا ءوسىپ، حالىقتىڭ ءومىر ءسۇرۋ ۇزاقتىعى 5 پايىزعا جوعارىلاعانى ايتىلدى. سونداي-اق، تۇلكىباسقا تارتىلعان ينۆەستيتسيا كولەمى 1991 جىلى سالىنعان 37 ملن. تەڭگە قارجىدان، 19 474 ملن. تەڭگەگە (2016 ج) جەتىپ، نەمەسە 52,6 ەسەگە وسكەنى ءمالىم بولدى.

«تۇلكىباس اۋدانى تابيعاتى تاماشا تۋريستىك ايماققا جاتاتىندىقتان اۋدانعا ينۆەستيتسيا تارتۋ ماسەلەسىندە جوبانىڭ تۇلكىباستىڭ كليماتىن بۇزبايتىنداي قاۋىپسىز بولۋىن قاتاڭ قاداعالايمىز. ياعني، ءبىزدىڭ اۋداندا ورنالاسىپ، جۇمىسىن باستايتىن ونەركاسىپ ورىندارى اۋىل شارۋاشىلىعى ونىمدەرىن قايتا وڭدەۋ، تەرەڭ وڭدەۋ، مال بورداقىلاۋ، ەتتى وڭدەۋ سىندى زيانسىز كاسىپ تۇرلەرىمەن اينالىساتىن بولادى»، - دەدى ءا.تۇرعىمبەكوۆ.

مۇنان بولەك، اۋداننىڭ  جالپى وڭىرلىك ءونىمى 2016 جىلى 54 ملرد. تەڭگە بولىپ، 7,3 ەسەگە ءوسىپ، جان باسىنا شاققاندا 487,4 مىڭ. تەڭگەگە جەتكەن.  اۋداندا 1991-2016 جىلدار ارالىعىندا  بارلىعى 1619,5 گا جەرگە الما باۋ مەن جۇزىمدىكتەر ەگىلىپ، 13,5 گا جەرگە جىلىجاي سالىنعان، 4474 گا جەرگە تامشىلاتىپ سۋعارۋ ءادىسى ەنگىزىلگەن.

 اۋداننىڭ تابيعي ەرەكشەلىگىنە ساي قارقىندى دامىپ كەلە جاتقان تۋريزم جانە اۋىلشارۋاشىلىعى سالاسى جايلى تىلگە تيەك ەتكەن اۋدان باسشىسى بۇگىنگى تاڭداعى اۋدانداعى وزەكتى ماسەلەلەر مەن الداعى اتقارىلاتىن جۇمىستار جايلى دا ءوز ويىن ورتاعا سالدى.

الداعى ۋاقىتتا تۇلكىباس اۋدانىندا  تۋريزم سالاسى مەن  الما جانە ءسۇت كلاستەرىن دامىتۋ  قولعا الماق.

وقو اكىمىنىڭ ءباسپاسوز قىزمەتى