پۋتين ەرتەڭ استاناعا كەلەدى. وتكەن جىلى دا قازان ايىنىڭ ورتاسىندا كەلىپتى. سول ساپارعا وراي، ءبىر جىل بۇرىن، «پۋتينگە كىم سۇراق قويادى؟» دەپ ەلەڭدەدىك. 

«پۋتين «سەليگەردەگى» جاستار فورۋمىندا «ۋ كازاحوۆ نە بىلو گوسۋدارستۆەننوستي نيكوگدا» دەپ سالدى. سالعاندا سويىلمەن، قازاقتىڭ باسىنان، وڭدىرتپاي سالدى.

...مۇنى ەندى جايىنا قويۋعا بولمايدى. ءبىزدىڭ ەلگە ساپارى كەزىندە پۋتينگە «قازاقتاردا ەشقاشان مەملەكەت بولعان ەمەس» دەگەن پىكىردى نەگە سۇيەنىپ ايتتىڭىز؟ سول ءۇشىن قازاق حالقىنان كەشىرىم سۇرامايسىز با؟» دەگەن سۇراق قابىرعاسىنان قويىلۋى كەرەك. 

قالىڭ قازاق بۇل سۇراقتى قويا المايدى، ارينە. ءبىز قويا المايمىز، جۋرناليستيكادان الىستامىز، ء«بىر جەردە ءتىلشى ەدىك» دەيتىندەي تىلدەي قاعازىمىز دا جوق. 

قويسا، پرەزيدەنتتىك پۋلعا نەمەسە ەكى پرەزيدەنت وتكىزەتىن ورتاق ءباسپاسوز كونفەرەنتسياسىنا (؟) تىركەلەتىن جۋرناليستەردىڭ ءبىرى عانا قويا الادى. ونداي جۋرناليست شىعىپ، سونداي سۇراقتى قويىپ جاتسا، شايعا شاقىرىپ، باسىمدى يەر ەدىم. مىنە، وسىنداي كۇيگە دە جەتتىك» دەگەن مازمۇندا سالەمحات جازعانبىز.