بۇگىن وبلىس اكىمى ج.تۇيمەباەۆ وڭىرىمىزدەگى ەتنومادەني بىرلەستىكتەردىڭ توراعالارى مەن وڭىرىمىزدەگى بىرقاتار بۇقارالىق اقپارات قۇرالدارى وكىلدەرىمەن كەزدەسىپ،تاۋەلسىزدىك مەرەكەسىمەن قۇتتىقتادى.

وندا اكىم ەلباسىنىڭ اتىنان  قازاقستان حالقى اسسامبلەياسىنىڭقوعامدىق «بىرلىك» التىن مەدالiمەن» جانە «قازاقستان رەسپۋبليكاسىنىڭ تاۋەلسىزدىگىنە 25 جىل» مەرەكەلىك مەدالىن  تابىستادى.

تاۋەلسىزدىك مەرەكەسى ەلىمىزدىڭ بارلىق ازاماتتارى ءۇشىن ورتاق ءارى ەڭ باستى قۇندى مەرەكە ەكەنىن ايتقان اكىم بارشا جينالعانداردى تاۋەلسىزدىكتىڭ 25 جىلدىق مەرەكەسىمەن قۇتتىقتادى.

قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان مەرەكە قارساڭىندا مەملەكەت باسشىسى، ەلىمىزدىڭ تاۋەلسىزدىگى مەن ەل بىرلىگىن نىعايتۋعا، مادەنيەتارالىق قارىم-قاتىناستى دامىتۋعا، قازاقستاندىق ءپاتريوتيزمدى قالىپتاستىرۋعا  قوسقان ەلەۋلى ۇلەسى ءۇشىن قازاقستان حالقى اسسامبلەياسىنىڭقوعامدىق «بىرلىك» التىن مەدالiن» وڭىرىمىزدەگى بىرقاتاتار ازاماتتار يە بولعان. 

اتالعان مەرەكەلىك مەدال يەلەرىن وبلىس اكىمى ارنايى قابىلداپ، ەلباسى اتىنان تابىستادى. ولادىڭ قاتارىندا وبلىس پروكۋرورى  ي.يمانوۆ، ءوڭىرىمىزدىڭ باس يمامى ا.كەرىمبەك، وبلىستىق كلينيكالىق اۋرۋحانانىڭ دارىگەرى م. ابۋوۆ، وقو قازاقستان حالقى اسسامبلەياسى حاتشىلىعىنىڭ مەڭگەرۋشىسى  م.قالمۇراتوۆ، احىسكا» ەتنومادەني ورتالىعى» قوعامدىق بىرلەستىگىنىڭ مۇشەسى م.مۋساەۆ، وبلىستىق كۇرد ەتنومادەني ورتالىعى قوعامدىق بىرلەستىگىنىڭ توراعاسى ا.ناديروۆ، «كازاكي» قوعامدىق ۇيىمىنىڭ توراعاسى د. حرۋششەۆ، «نايري» ارميان ەتنومادەني ورتالىعى» قوعامدىق بىرلەستىگىنىڭ ءتورايىمى د.سيديروپۋلوۆالار بار.  

«وسى شيرەك عاسىر ىشىندە مەملەكەتىمىز ءوسىپ-وركەندەپ، الەمدىك قاۋىمداستىق اراسىندا وزىندىك ورنى بار مەملەكەتكە اينالدى. ءبىزدىڭ قول جەتكىزگەن باستى تابىسىمىز – قازاقستان حالقىنىڭ بىرتۇتاستىعى بولدى.

مەملەكەتتىڭ سارا ساياساتى، دارا ۇستانىمىنىڭ ارقاسىندا جالپىۇلتتىق بىرلىك پەن قوعامدىق كەلىسىم – تاۋەلسىزدىگىمىزدىڭ باستى تۇعىرىنا اينالدى. ەلىمىزدە بەيبىتشىلىك پەن مىزعىماس تاتۋلىقتى ورنىقتىرۋدا مەيلىنشە اتسالىسىپ جۇرگەن ازاماتتىرىمىزدى بۇگىنگى العان ماراپاتىمەن شىن جۇرەكتەن قۇتتىقتايمىن»،-دەدى ج.تۇيمەباەۆ.

سونىمەن قاتار، ايماق باسشىسى  وبلىسىمىزدىڭ ءوسىپ-وركەندەۋىنە سۇبەلى ۇلەس قوسقان 21 باق-قا «قازاقستان رەسپۋبليكاسىنىڭ تاۋەلسىزدىگىنە 25 جىل» مەرەكەلىك مەدالىن  تابىستادى.

«تاۋەلسىزدىكتىڭ 25 جىلدىعىندا قازاق ەلىنىڭ ەلدىگىن ناسيحاتتاپ، ەل يگىلىگى مەن بىرلىگى ءۇشىن جەمىستى اتقارىلعان جۇمىستار مەن مەملەكەتىمىزدىڭ ابىرويىن اسقاقتاتىپ، جان-جاقتى دامۋ جەتىستىكتەرىن ناسيحاتتاۋدا بۇقارالىق اقپارات قۇرالدارىنىڭ ءرولى قاشاندا جوعارى. ەلباسى نۇرسۇلتان ءابىشۇلى نازارباەۆ بيىك مىنبەردەن: ء«بىز ءباسپاسوز ەركىندىگىن قالىپتاستىرۋ ارقىلى ءسوز بوستاندىعىن باياندى ەتتىك» دەپ ايتقانىن سىزدەر بىلەسىزدەر. شىنىندا دا بۇقارالىق اقپارات قۇرالدارىنىڭ قازاقستاننىڭ تاۋەلسىز مەملەكەت رەتىندە قالىپتاسۋ جىلدارىنداعى الەۋمەتتىك-ەكونوميكالىق سالالارداعى وركەندى وزگەرىستەردەگى الاتىن ورنى مەن اتقارعان قىزمەتى ايرىقشا»،- دەپ ايتقان سىزدەر پرەزيدەنتىمىزدىڭ جاسامپاز يدەيالارىنىڭ توڭىرەگىنە قوعامدى

توپتاستىرۋ، ۇلتتى ۇيىستىرۋعا زور ۇلەس قوسىپ كەلەسىزدەر. دەمەك، قانداي دا ءبىر اقپارات كوزىنىڭ ءسوزى - قوعامدىق پىكىر قالىپتاستىرۋدىڭ تەمىرقازىعى ىسپەتتى. وسى باعىتتاعى جۇمىستارىڭىز ەسەلەنىپ، تابىستى دا جەمىستى ەڭبەكتەرىڭىز ەلەنىپ، الداعى ماقساتتارعا جەتۋ جولىنداعى جاڭا بيىكتەر مەن شىڭداردان كورىنە بەرىڭىزدەر،-دەپ ايتقان اكىم ءوز ءسوزىن قورىتىندىلادى.

جيىندا ءسوز العان قالامگەرلەر الداعى ۋاقىتتا دا قوعامدى نىعايتۋدا جانە قازاقستاننىڭ ونىڭ ىشىندە وڭتۇستىك قازاقستان وبلىسىنىڭ دامۋىنا ۇلەس قوسا بەرەتىندەرىن ايتىپ، شيرەك عاسىردا اتقارىلعان ەڭبەكتى باعالاپ، مەرەكەلىك مەدالگە لايىق دەپ ساناعان ەلباسىعا جانە وبلىس  اكىمىنە العىستارىن جەتكىزدى.

Abai.kz